دادگای تاوانەكانی ڕەسافە: سزای زندانی توندی بۆ بەڕێوبەری ڕاهێنانی پیشەیی پێشوی وەزارەتی كار و كاروباری كۆمەڵایەتی دەركرد
- 9-09-2018, 00:00
بەغداد – ا ه ع
دادگای تاوانەكانی تایبەت بە پرسی دەست پاكی لەڕەسافە، ئەمڕۆ یەكشەممە، سزای زندانی توندی بۆ ماوەی دووساڵ بۆ بەڕێوبەری گشتی ڕاهێنانی پیشەیی پێشوی وەزارەتی كار و كاروباری كۆمەڵایەتی دەكرد كە زیانی بە سامانی گشتی گەیاندوە.
دادوەر عبدستار بەیرقدار وتەبێژی ئەنجومەنی باڵای دادوەری لەبەیاننامەیەكدا كە وێنەیەكی دەست ئاژانسی هەواڵی عێراقییە(ا ه ع) كەوتووە، ڕایگەیاند: دادگای تاوانەكانی نەزاهە لەڕەسافە سزای زندانی توندی بۆ ماوەی دووساڵ بۆ بەڕێوبەری گشتی ڕاهێنانی پیشەیی لە وەزارەتی كاروكاروباری كۆمەڵایەتی دەركرد، كە سامان و پارەی بۆ تۆڕی پاراستنی كۆمەڵایەتی بەناوی وەهمی خەرجكردوە.
بەیرەقدار وتیشی تاوانبارەكە زیانی بە دارایی و پارەی گشتی گەیاندوە لەوكاتەی كە لەوپۆستەدا بووە، سزاكەش بەپێی مادەی 340 ی یاسایی سزادان دەركراوە.
