چادرگەێن بەهیێ.. خەرجیەكا مەزن و ئینانە پێشەكا نە دجهێ خوەدا
- 30-08-2018, 00:00
پەخشین ژ هەلویستەكێ هاریكاری، كومەلایەتی عەشایری پێدهێت و بۆ سەردەمێن درێژ وەك تێگەهەكێ عەشایری، كومەك مرۆڤان كو سەر ب عەشیرەتەكێ ڤەنە یان كومەكا عەشیرەتان، بۆ دەربرینێ و هەلویستێ وان دگەل كارەساتا ب سەرێ عەشیرەتا دی هاتی بكوژمەكێ پارەی، هاریكاریێ دكەن.
زولفەقار یوسف
و، صباح كوردستان
چ هزرێن دی دمێشكێ (ئەحمەدی)دا نەبوون و ئەوی بۆ ڤەشارتنا تەرمێ بابێ خوە قەستا (وادی لسەلام) دكر، ژبلی چەند پسیارەكان و ئەڤ (موسیبەتا) ب سەری هاتی، دناڤبەرا وی و دەروونێ ویدا، چاوان؟ لیكڤە؟ دێ بەهیا بابێ خوە راكەم؟ خەرجیا چادرگەهێ و خوارنێ و ئەز یێ دەست كورت.
ل درێژاهیا رێكێ ئەڤ پسیارێن هەنێ دسەرێ ویدابوون و چاڤێن وی دتژی روندك، بەلێ پەیوەندیەكا تەلەفونی ژ پسمامێ وی بۆ هات، گوتێ كو بەهی دێ ل ئێك ژ مزگەفتان هێتە پرێڤەبرن، پیچەكێ موسیبەت ل سەر سڤك بوو، پشتی هینگێ ما دخەما ژ دەستدانا بابێ خوەدا و پشتی وێ پەیوەندیێ خەما وی سڤكتر لێهات. سەرەرای وەستیان و خەمگینیێ ئەڤا خودانێ مری دبینیت، بەلێ چ تشت ڤێ موسیبەتێ ل سەر وان سڤك ناكەت، بەلكو زێدەتر دكەت، ڤەدانا چادرگەها بەهیێ و خەرجیێ پێشوازیكرنا بەهیچنان، موسیبەتەكا دییە جهێ یا ئێكێ دگریت، سەرەرای پێگوهوران وەك مزگەفت و حوسەینییان.
نەفرەتا جاددێ
هەر كارەكی جهێ ویێ گونجای هەیە، كەس نەشێت چ ئاشان ل بیابانێ دروست بكەت و تو نەشێی پەرتوكخانەكێ ل دارستانەكێ ئاڤابكەی كو چ مرۆڤ لێ نەژین، بەلێ ئەم ڤێ ل عیراقێ نابینین، دبیت تویێ ئوتومبێلا خوە دهاژویی و چادرەكا بەهیێ بكەیڤتە رێكاتە و تە دڤێت دەرباز ببی و تو نەشێی، رێ هەمی یا هاتیە گرتن، ژ ئەگەرێ ركوویا ئێك ژ كورێن مری، كو وی رەتكریە بەهی بهێتەدانان ئەگەر ل بەر دەرێ مالا وی نەبیت، ئێكێ دی چادرگەهەكا بەهیا دەیكا خوە ل بەرامبەری قوتابخانێ ڤەدایە، ژبەركو ئەو كچا فلان شێخییە، نابیت ژ رێزبەنیدا وێ بهێتە كێمكرن، چادرگەهەكا دی ژی ل بەرامبەری ئێك ژ بازارێن گرنگێن باژێری هاتیە ڤەدان، ژبەركو مری ژ كەساتیێن ناڤدارە، مرۆڤ چەند زەحمەتیێ دبەت تا دشێت دەرباز ببیت و چادرگەهێن بەهیا رێكا ل مرۆڤی گرتی.
پەخشین
پەخشین ژ هەلویستەكێ هاریكاری، كومەلایەتی عەشایری پێدهێت و بۆ سەردەمێن درێژ وەك تێگەهەكێ عەشایری، كومەك مرۆڤان كو سەر ب عەشیرەتەكێ ڤەنە یان كومەكا عەشیرەتان، بۆ دەربرینێ و هەلویستێ وان دگەل كارەساتا ب سەرێ عەشیرەتا دی هاتی بكوژمەكێ پارەی، هاریكاریێ دكەن.
ئەڤە بوو ئەوا شێخ (فالح ئەلمەحمەداوی) بۆ مە شروڤەكری و گوتی: " ئەڤ تیتالە ژ باب و باپیرێن مە بومە مایە و بەرە بەرە یا كێم دبیت، ژبەركو بەهی ل مزگەفتان یان حوسەینیان دهێنە دانان و ژبەر پیروزیا ڤان جهان، ئەڤ دیاردە بەرەڤ كێمبوونێ دچیت، دیسان ژ ئەگەرێ ئەو زیانێن ب خەلكی دكەڤن، هاڤێتنا چەك و تەقەمەنیان ئێك ژ دیاردێن پەخشینایە، ئەڤە ژی دا خودانێ بەهیێ بهاتنا ئەڤێن دهێنە بەهیێ بزانیت و هاڤێتنا تەقەمەنیان ل نێزیك مالێن خودێ، هەڤدژی ئیسلامێ یە و ئەڤە ژی د بەرژەوەندا خودانێ بەهیدایە".
مەزاختنەكا زێدە
دەما مە پسیار ژ حەیدەری كری، كانێ بەهیا بابێ وی بچ رەنگ بوو، ماندیبوون ب سەروچاڤێن ویڤە یا دیار بوو و گوتی: "سێ سال بوون نەك سێ رۆژ، مامێ من یێ رژد بوو كو بەهیا بابێ من ل بەر دەروكێ مالا وی بهێتە دانان، وی چادرگەهەك بۆ ماوێ سێ رۆژان ڤەدا، د سەر ڤێ ژیرا ئەوی فراڤین و شیڤ هەردوو بلاڤ دكرن، ژ هەر تشتێ دل حەز بكەت ژ خوارنان، بێی كو دەست كورتییا مە بەرچاڤ وەربگریت، ئەگەر بمن با، ئەزدا بەهیێ ل ئێك ژ حوسەینیێن نزیكی مالامە دانم، ل مزگەفت و حوسەینییان بتنێ چا و قەهوە دهێنە پێشكێش كرن".
ئارام و پاقژ
نابیت دڤێت دوور روودانێن دلتەزین د رابردوویدا باس بكەین، گەلەك قوربانی ژێكەفتن، روودانا پەقاندنا چادرگەهەكا بەهیێ ل دەڤەرا (فەلاح) ل (مەدینە ئەلصەدر) و یا دی ل (مەدینە لشەعب)، تیرورستان كومڤەبوونا بەهیچنان بدەرفەت زانین، رابوون ب پەقاندنێ و كوشتنا كەسێن بێ بێتاوان. (سەلوان ئەلعیتابی) یێ 33 سال و ب خەمگینیڤە گوت: "ئێك ژ قوربانیێن پەقینێ هەڤالێ من بوو، پشتی ژ دسەتدانا وی، من سووند خاریە، ئەز هیچ بەهیەكێ بۆ خێزانا خوە نەدانم، خودێ تەمەنێ وان درێژ بكەت، بتنێ ل مزگەفتان نەبیت، سروشتێ عیراقییان پێگیریكرنە ب پێشكێشكرنا بەهیێ خوە، بارودوخێ عیراقیان یێ چاوا بیت، دانانا بەهیان ل جاددان ژی گەفە ل سەر گیانێ خەلكی، موسیبەت دبیتە دوو موسیبەت، دسەر ڤێ هەمیێ ژیرا، پاقژیا مزگەفتان و پیروزیا وان، دەما چادرگەهێن بەهیا ل جاددان دهێنە دانان، گەلەك توز و پیساتی و ئاڤا ئاڤرێژان لبن هەیە، دیسان گەرماتیا هاڤینێ ژی ژبیرنەكەین، بەلێ ل مزگەفتان هەمی تشت هەنە و پاقژی و ئێمناهی ژی".
دەهـ هزار.. بەلێ!!
وەك دیار دەما تو دچیە دناڤ ئێك ژ بەهیاندا، دێ بینی وەك ئەركێ تە، ئەو ژی كوژمەكێ پارەیە، كو وەك بەهیچن تو ددانی، هندەك زێدەرەویێ ددانا ئەركیدا دكەن، هندەك ژی نەشێن چ پێشكێش بكەن، ژبەركو وان بخوە چ نینە، (قوصەی والی) یێ 29 سالی، ب سەرسورمانیڤە گوت: "ئەز وەك خێزاندەراكێ ژ پێنج كەسان پێكدهێت، داهاتێ منێ رۆژانە ناگەهیتە 15 هزاران، ئەڤ كوژمە ژی بتنێ تێرا پێدڤیاتیێن منێن رۆژانە دكەت، دەما بەهیەك ژی دروست دبیت، ل سەر من پێدڤیە ب باشترین شێوە ئەز ئەركی ل سەر خوە راكەم، بەلێ ئەز دڤی ئەركیدا كێماسییان دگەهینمە خێزانا خوە، ژبەر دانا من ب پێنج هزار دیناران بۆ خودانێن بەهیێ و ئەڤە ژی ئەركێ منە، بەلێ ژ باشیێن دانانا بەهیێ ل مزگەفت و حوسەینیان، چ ئەرك ناهێتە دان، ژبەركو خوارن ناهێتە پێش كێشكرن، ئەڤێ دیاردێ ژی گەلەك باشیێن خوە هەنە، تایبەت خودان داهاتێن كێم یێن وەك من، بۆ وان نینە ئەو ئەركی بدەن، ژبەركو وان شیانێن دانا ئەركی نینن و خودان داهاتەكێ كێمن.
