ئەمانەی ئەنجومەنی وەزیران: سەرۆك وەزیران ڕێنمایی بەپەلەی دەركردوە بۆ جێبەجێكردنی داواكاریەكانی هاوڵاتیانی موسەنا
- 25-07-2018, 00:00
بەغداد - ا ه ع ئەمانەی گشتی ئەنجومەنی وەزیران، ئەمڕۆ چوارشەممە، ڕایگەیاند:" دكتۆر حەیدەر عەبادی سەرۆكی ئەنجومەنی وەزیران چەند ڕێنماییەكی لەمیانەی دیدارێكیدا لەگەڵ حكومەتی خۆجێیی و سەرۆك هۆز و عەشیرەتەكانی پارێزگای موسەنا دەركردوە بۆ چارەسەركردنی پرسی خزمەتگوزاریەكان لەو پارێزگایە. بەپێیی بەیاننامەیەك كە وێنەیەكی دەست ئاژانسی هەواڵی عیراقییە(ا ه ع) كەوتووە، هاتووە ئەو ڕێنمایانە پێكهاتوون لەتەرخان كردنی بودجە بۆ فەرمانگەی تەندروستی و كڕینی داو و دەرمان و ئاسانكاری كڕینی ئەو پێداویستیانەی تایبەتن بە پشكنینی پزیشكی و لێكۆڵینەوە لە تەواونەكردنی نەخۆشخانەی ئەڵمانی، لەگەڵ دابینكردنی ئاو بۆ پارێزگاكە لەڕوبارەكانی دیجلە و فورات بۆ خواردنەوە و ئاودێری، هەروەها پێدانی ئەو بڕە یان ئەو پشكەی كە لەچاودێری كۆمەڵایەتی بۆ پارێزگاكە دیاری كراوە، هەروەها ئەولەویەت بە پڕۆژە ستراتیجیەكان بۆ كەمكردنەوەی ڕێژەی هەژاری لەو پارێزگایە بدرێت.
