بەڵگەنامە: (ا ه ع) راسپاردەكانی لیژنەی ویزاری تایبەت بە پێشێلكاریەكانی هەڵبژاردن بڵاودەكاتەوە
- 5-06-2018, 00:00
بەغداد – ا ه ع
ئاژانسی هەواڵی عێراقیە (ا ه ع)، ئەمرۆ سێ شەممە، بەڵگەنامەیەكی دەستكەوتووە تیایدا راسپاردەكانی لیژنەی باڵای ویزاری سەبارەت بە پێشێلكاریەكانی هەڵبژاردن دەخاتەروو كە لەلایەن لیژنەكەوە پەسەند كراوە.
لە راسپاردەكانیشدا چەند خاڵێك خراونەتەروو، گرنگترینیان:
• جیاكردنەوەی دەنگەكان بەشێوەی دەستی كە لە سەدا 5 كەمتر نەبێت لە كۆی بنكەكان.
• هەڵوەشاندنەوەی ئەنجامی هەڵبژاردنەكانی دەرەوە و ئاوارەكان بەهۆی بوونی بەڵگە سەبارەت بە ساختەكاری.
• ئەنجومەنی وەزیران دەزگای هەواڵگری و هێزە ئەمنیەكان دەزگای ئاسایشی نیشتمانی و هەواڵگری سەر بە وەزارەتی ناوخۆ ئاراستەبكات بۆ راوەدونانی ئەوانەی ساختەكاریان كردوە و روبەرووی دادگا بكرێنەوە.
• داوا لە داواكاری گشتی بكرێت داوایەكی یاسایی بجوڵێنێت لەسەر بناماكانی ئەم راپۆرتە.
• ئەنجومەنی وەزیران ئەم راپۆرتە ئاراستەی دەستەی نەزاهە بكات بۆ لێكۆڵینەوە و گرتنەبەری رێوشوێنی پێویست.
• بەرگرتن لەگەشتكردنی بەرپرسانی كۆمسیۆنی هەڵبژاردنەكان ئەوانەی پلەیان لە بەرێوەبەری گشتی بەرزترە بۆ دەرەوەی وڵات بەبێ وەرگرتنی رەزامەندی سەرۆك وەزیران.
