مەندەلاوی و شێخ خەزعەلی جەخت لە پێویستی تەواوكردنی پەسەندكردنی ئەو یاسایانە دەكەنەوە كاریگەرییان لەسەر ژیانی هاووڵاتیان هەیە

بەغداد - INA
ئەمڕۆ چوارشەممە، جێگری یەكەمی سەرۆكی ئەنجومەنی نوێنەران  موحسین مەندەلاوی و ئەمینداری گشتی بزووتنەوەی عەسائیبی ئەهلی حەق شێخ قەیس خەزعەلی، جەختیان لەسەر تەواوكردنی پەسەندكردنی ئەو یاسایانە كردەوە كە كاریگەرییان لەسەر ژیانی هاووڵاتیان هەیە.
نوسینگەی ڕاگەیاندنی جێگری یەكەمی سەرۆكی ئەنجومەنی نوێنەران لە بەیاننامەیەكدا كە بۆ ئاژانسی هەواڵی عێراقی (INA) ی ناردووە، ڕایگەیاند: ئەمڕۆ جێگری یەكەمی سەرۆكی ئەنجومەنی نوێنەران  موحسین مەندەلاوی لەگەڵ ئەمینداری گشتی بزووتنەوەی عەسائیبی ئەهلی حەق شێخ قەیس خەزعەلی كۆبووەوە، و تیایدا هەردوولا بە بۆنەی جەژنی ڕەمەزانەوە پیرۆزبایی ئاڵوگۆڕیان كرد و هیوایان خواست جەژن ببێتە دەرفەت بۆ بەرزكردنەوەی سەقامگیری و گەیشتن بە خواستەكانی گەلی عێراق.
ئاماژەی بەوەشدا: لە میانەی كۆبوونەوەكەدا باس لە بارودۆخی سیاسی لەسەر ئاستی ناوخۆیی و هەرێمی كرا، لەگەڵ جەختكردنەوە لەسەر گرنگی كاراكردنی ڕۆڵی یاسادانان و چاودێریكردنی ئەنجومەنی نوێنەران، كە هاوكار دەبێت بۆ خێراكردنی دەركردنی ئەو یاسایانەی كە ڕاستەوخۆ كاریگەرییان لەسەر ژیانی هاووڵاتیان هەیە و پەیوەندییان بە پڕۆژەی خزمەتگوزاری و وەبەرهێنان و پەرەپێدانی ژێرخانەوە هەیە.
مەندەلاوی تەئكیدیكردەوە: لەسەر پێویستی یەكگرتوویی هێزە نیشتمانییەكان بۆ پشتیوانیكردنی یاسایەك كە پەرە بە گەشەسەندنی ئابووری و باشتركردنی ئاستی ژیانی هاووڵاتییان دەدات.
هاوكات شێخ خەزعەلی جەختیكردەوە: لەسەر گرنگی بەردەوامی گفتوگۆ لە نێوان لایەنە سیاسییە جیاوازەكاندا بۆ دەستەبەركردنی سەقامگیری و تێپەڕاندنی ئاستەنگەكان و پەروەردەكردنی ژینگەیەكی سەرنجڕاكێشی وەبەرهێنان كە پاڵپشتی پرۆسەی ئاوەدانكردنەوە و گەشەپێدان بكات.