تەندروستی: پلانی ساڵانە بۆ پێشکەشکردنی خزمەتگوزاری پزیشکی لە ڕۆژانی پشوو و جه‌ژندا
ناوخۆ
- 1-04-2025, 20:14
بەغدا - INA - محەمەد تاڵبی
ئەمڕۆ سێشەممە وەزارەتی تەندروستی ڕایگەیاند، تیمەکانیان بەردەوام دەبن لە چاودێریکردنی چێشتخانە و هۆتێلەکان لە ڕۆژانی پشووی جەژندا، هەروەها دووپاتی کردەوە کە پلانی ساڵانەی بۆ دابینکردنی خزمەتگوزاری پزیشکی لە ڕۆژانی پشوودا داڕشتوە.
ڕیاز عەبدولئەمیر حەلفی بەڕێوەبەری تەندروستی گشتی، بە ئاژانسی هەواڵی عێراقی (INA)ی ڕاگەیاند: "وەزارەتی تەندروستی پلانێکی ساڵانەی تایبەتی بۆ هەموو بۆنە ئاینی و جەژنییەکانیش ئامادەکردووە، بۆ ئەوەی سەرجەم خزمەتگوزارییە پزیشکی و فریاگوزارییەکان پێشکەش بە هاووڵاتیان بکەن لە ڕۆژانی پشووی فەرمی و بۆنە تایبەتەکاندا".
ئاماژەی بەوەشکرد، "هەندێک لە دامەزراوە تەندروستییەکان بەتایبەتی نەخۆشخانە و بنکە تەندروستییەکان کراوەن، هەموو دەرمانەکان لەبەردەستدان و کارمەندانی پزیشکی پسپۆڕ لەبەردەستدان بۆ پێشکەشکردنی خزمەتگوزاری چاودێری تەندروستی بۆ هاوڵاتیان لە پشووی جەژندا".
حەلفی هۆشداری دایە هاووڵاتیان "لەبەکارهێنانی یارییە ئاگرینەکان لەکاتی ئاهەنگەکاندا، چونکە زیانی تەندروستی بە تایبەتی بۆ منداڵان دەگەیەنێت"، ئاماژەی بەوەشکرد، "نەخۆشخانەکانی چاو منداڵێکی زۆر بریندار وەردەگرن، هەندێکجار لە ئەنجامدا زیانی تەواوەتی چاویان لێدەکەوێتەوە".
