بەسرە پشت بە خۆراکی تایبەت بە بەرهەمی ماسی کاربی دەبەستێت
ناوخۆ
- 28-03-2025, 21:00
بەسرە - INA
ئەمڕۆ هەینی ، بەڕێوەبەرایەتی کشتوکاڵی بەسرە ڕایگەیاند: کە بەرنامەیەکی نوێی زانستی دەستپێکردووە بۆ زیادکردنی بەرهەم و یەدەگی ماسی کاربی لە هۆرەکان و ڕووبەرە ئاوییەکانی پارێزگاکەدا.
لەوبارەیەوە "عەباس جۆلان" بەڕێوەبەری بەشی سامانی ماسی لەبەرێوەبەرایەتیەکە، بە ئاژانسی هەواڵی عێراق(INA) ڕاگەیاند : کە ستافی تەکنیکی دەستیان کردووە بە جێبەجێکردنی بەرنامەیەک بەپێی پلانی ساڵانەی بەڕێوەبەرایەتییەکە بۆ پاڵپشتیکردنی سامانی ماسی.
راشیگەیاند : کە بەرنامەکە پشت دەبەستێت بە خواردنی پاڵپشتکراو بە ئۆمێگا 3و ڤیتامین E، کە یارمەتی باشترکردنی چالاکی بەچکە ماسییەکان و زیادکردنی ڕێژەی مانەوەیان دەدات،ئەم تەکنیکە نوێیە بەشێوەیەکی ڕاستەوخۆ کاریگەری ئەرێنی دەبێت لەسەر گەشەی سامانی ماسی لە هۆرەکان و ڕووبەرە ئاوییەکاندا،هەروەها پلان هەیە بۆ فراوانکردنی بەرنامەکە لە داهاتوودا بۆ جۆرەکانی تری ماسی ناوخۆیی.
