تەواوی بڕیارەکانی ئەنجومەنی وەزیران لە دانیشتنی ئەمڕۆدا

بەغدا - INA 
لە دانیشتنی ئاسایی خۆیدا ئەمڕۆ سێشەممە، ئەنجوومەنی وەزیران چەند بڕیارێکی دەرکرد، لەوانە پەسەندکردنی بەخشینی پرۆژەی پاڵاوگەی وەبەرهێنانی میسان لە ڕێکلام و کێبڕکێ، هەروەها بڕیاریدا کۆکردنەوەی باجی گومرگی لەسەر کەلوپەل و کەرەستەی هەڵبژاردنی هاوردەکراو لەسەر ناوی کۆمیسیۆنی باڵای سەربەخۆی هەڵبژاردنەکان دوابخرێت.
لە ڕاگەیندراوەكەدا نوسینگەی ڕاگەیاندنی سەرۆکی ئەنجومەنی وەزیران كە بۆ ئاژانسی هەواڵی عێراقی (INA) نێردراوە: تێیدا هاتووە” سەرۆکی ئەنجومەنی وەزیران محەمەد شیاع سودانی، ئەمڕۆ سێشەممە سەرۆکایەتی دوازدەهەمین دانیشتنی ئاسایی ئەنجومەنی وەزیرانی کرد و تێیدا دوایین پێشهاتەکانی بارودۆخی گشتی وڵات تاوتوێکرا و بەدواداچوونیان بۆ جێبەجێکردنی بڕگەکانی بەرنامەی حکومەت کرد، هەروەها گفتوگۆیان لەسەر بابەتەکانی سەر کارنامەی حکومەت کرد و بڕیاریان لەسەر درا،.
لە ڕاگەیاندراوێكدا هاتووە كە،،بەبۆنەی هاتنەوەی جەژنی ڕەمەزانەوە ئەنجوومەنەکە بڕیاریدا بە درێژایی هەفتەی داهاتوو پشووی فەرمی بێت ،هەروەها هاتووە كە، دەنگیدا لەسەر پێدانی بڕێک پارە بۆ منداڵانی بێ دایک و باوک کە لە چوارچێوەی تۆڕی پاراستنی کۆمەڵایەتیدا هاوکاری دارایی وەردەگرن،.
هەروەها ئەوەیش هاتووە  كە”لەچوارچێوەی هەڵوێستی نەگۆڕی عێراق لە پشتیوانیکردنی گەلی فەڵەستین لە غەززە ئەنجومەنی وەزیران بڕیاریدا، دەسەڵات بە وەزارەتی تەندروستی بدات بەمەبەستی ناردنی دەرمان و کەلوپەل و ئامێر و پێداویستی پزیشکی بۆ ئەو نەخۆش و بریندارە فەڵەستینیانەی کە لە نەخۆشخانەکانی میسر و وەزارەتی چارەسەر وەردەگرن، بەمەرجێک وەزارەتی دەرەوە هەماهەنگی لەگەڵ باڵیۆزی فەڵەستین لە عێراق بکات بۆ دیاریکردنی دۆخی ئەو بریندارانەی کە لە عێراق"ـن و ڕاسپاردە پێشکەش بە بەڕێز سەرۆکی ئەنجومەنی وەزیران بکەن بۆ بڕیاردان،.
بە گوێرەی ڕاگەیەندراوەكە لە دۆسیەی پاڵپشتی کردنی ڕۆڵەکانی پێکهاتەی ئێزدیدا، ،ئەنجومەنی وەزیران ڕەزامەندی دەربڕی لەسەر کوژاندنەوەی (100%) بڕی کڕینی زەوی نیشتەجێبوون کە خانوویان لەسەر بنیات نراوە لە کۆمەڵگەکانی ئێزدی لە شەنگال و بەعاج، بە مەرجێک نیشانەی دەستکاری نەکردنی لەسەر دابنرێت بۆ ماوەی (3) ساڵ لە بەرواری خاوەندارێتییەوە، هاوتای بڕیاری ئەنجومەنی وەزیران (372 ی ساڵی 2019) تایبەت بە قەسبەی ئەلقوش لە پارێزگای نەینەوا، بە مەرجێک ئەم دۆسیەیە لە ماوەی 60 ڕۆژدا تەواو بکرێت،.
هەروەها ئەوەیش هاتووە كە لە دۆسیەی وزەدا ،ڕەزامەندی درا لەسەر ڕەوانەکردنی تەندەری کارگەی چارەسەرکردنی گاز (GPP) لە پڕۆژەی کۆمەڵەی گازی ئەرتاوی کۆمپانیای گازی باشوور بۆ کۆمپانیای ئەندازیاری و بیناسازی نەوتی چین / CPECC ،.
بە گوێرەی ڕاگەیەندراوەكە ،ئەنجومەنی وەزیران  ڕاسپاردەی زیادکردنی دەسەڵاتی کڕینی بۆ بەڕێز جێگری سەرۆکی ئەنجومەنی وەزیران و وەزیری نەوت پەسەندکرد بۆ پڕۆژەی دامەزراندنی وێستگەی جیاکردنەوە و وشککردنەوە و پەستان لە کێڵگەی ڕۆژهەڵاتی بەغداد”.
لەدانشتی ئەنجومەنی وەزیران ”ڕاسپاردەی تایبەت بە ناردنی تەندەری ژمارە ‏CSSP-ITT-06 کۆمپانیای نەوتی بەسرە بۆ کۆمپانیای ئەندازیاری نەوتی چین / CPPE پەسەندکرا، بە کۆی گشتی ماوەی جێبەجێکردن (54 مانگ) کە (42 مانگ) بۆ قۆناغەکانی دیزاین و ئامادەکردن و جێبەجێکردن EPC لەخۆدەگرێت و (12 مانگ) بۆ قۆناغەکانی کارپێکردن و پاراستن و ڕاهێنان لەخۆدەگرێت”.
بە گوێرەی ڕاگەیەندراوەكە ئەنجومەن ”دەنگ درا لەسەر زیادکردنی تێچووی پڕۆژەی سەرەکی (بۆ گەیاندنی سووتەمەنی بۆ پڕۆژە پیشەسازی و کارەباییەکان) بۆ کۆمپانیای بۆری لە وەزارەتی نەوت”.
بە گوێرەی ڕاگەیەندراوەكە  ”ئەنجومەنی وەزیران ڕەزامەندی درا لەسەر بەدەرکردنی پڕۆژەی وەبەرهێنانی پاڵاوگەی مەیسان لە ڕیکلام و کێبڕکێ و بڕیارە پەیوەندیدارەکان و ڕێگەدان بە کۆمپانیای پاڵاوگەی باشوور بۆ واژۆکردنی گرێبەستێکی نوێ”.
هەروەها لە چوارچێوەی کارەکانی حکومەت بۆ هەمەجۆرکردنی سەرچاوەکانی وزەی کارەبا، ”ئەنجومەنی وەزیران ڕەزامەندی درا لەسەر ئەوەی وەزارەتی دارایی زەوی لە پارێزگاکانی (کەرکوک و ئەنبار و دیالە و سەلاح الدین و نەجەف و بابل و زیقار و موسەنا و واسی و میسان و دیوانیە) تەرخان بکات بۆ دامەزراندنی وێستگەی بەرهەمهێنانی وزەی نوێبووەوە (خۆر) بە مەرجێک وەزارەتی کشتوکاڵ دەستی چاکسازی کشتوکاڵی لەسەر ئەو زەویانە هەڵبگرێت کە یاسای چاکسازی کشتوکاڵی دەیانگرێتەوە و پارێزگاکان ڕەزامەندی لایەنە پەیوەندیدارەکانی تر و بەپێی پێویستیی هەر حاڵەتێک بەدەست بهێنن”.
هەر بە گوێرەی ڕاگەیەندراوەكە ئەنجوومەنی وەزیران ”ڕەزامەندی دەربڕی لەسەر دەسەڵاتدان بە وەزیری کارەبا یان نوێنەرەکەی بۆ ئەنجامدانی ئەم کارانەی خوارەوە: 
1. دەسەلاتی واژۆکردن لەگەڵ کۆمپانیای (پاوەر چاینا) ئینتەرناشناڵ گروپی سنووردار لە بواری هاوکاری وزە لە عێراق و بەردەوامبوون ڕێوشوێنەکان بەپێی پلانی وەزارەتی کارەبا.
2. دەسەڵاتی واژۆکردن بنەماکانی هاوکاری بواری وزە لە عێراق _ قۆناغی سێیەم لەنێوان وەزارەتی کارەبا و کۆمپانیای سیمێنس ئینێرجی ئەی جی. گ.
3. واژۆکردنی رێککەوتننامەی چوارچێوەیی نێوان وەزارەتی کارەبا و کۆمپانیای جی ئێی ڤێرنۆڤای نێودەوڵەتی”.
لە كۆبوونەوەی ئەنجومەنی وەزیران  و لەبواری کشتوکاڵیدا ”ڕاسپاردەی پلانی کشتوکاڵی پەسەندکرا کە بریتییە لەپابەندبوونی وەزارەتی کشتوکاڵ بەپێشکەشکردنی خشتەی دابەشکردنی پلانی کشتوکاڵی لەسەر ئاستی خشتەی ئاودێری بۆ بەش و بەڕێوەبەرایەتییەکانی پارێزگاکان بەمەبەستی دڵنیابوون لەهەماهەنگی گونجاو لەنێوان لایەنە پەیوەندیدارەکان و ڕەتکردنەوەی بەکارهێنانی ئاوی ئاوەڕۆ بۆ ئاودێریکردنی زەوییە گشتییەکان چ لەجۆگەی گشتی یان لق یان هەر ئاوەڕۆیەکی دیکە، هەروەها پەسەندکردنی ڕاسپاردەی تایبەت بە پشتبەستن بەکۆنتڕۆڵی بەکارهێنان و پشتیوانی لیژنەی کشتوکاڵی لەپارێزگا و پشتیوانی لیژنەی ماددەی (140) و بۆ ئامادەکردنی تۆو”.
هەروەها ئەنجوومەنی وەزیران ”سێیەم ڕاپۆرتی خولی کۆماری عێراقی سەبارەت بە پەیماننامەی عەرەبی بۆ مافەکانی مرۆڤ پەسەند کرد، ئەمەش دوای پەسەندکردنی هەموارکراوەکانی بە مەرجێک وەزارەتی دەرەوە ڕاپۆرتەکە بنێرێت بۆ لیژنەی پەیوەندیدار لە کۆمکاری وڵاتانی عەرەبی”.
بە گوێرەی ڕاگەیەندراوەكە ”ئەنجومەنەکە دەنگیدا لەسەر ڕێگەدان بە پارێزگای بابل بۆ جێبەجێکردنی پڕۆژەی ئاوەڕۆی حلەی گەوفە – قۆناغی یەکەم، کۆمەڵەی کۆمپانیاکان (GCIT BABI LIMED)، بۆ جێبەجێکردنی قۆناغی دووەمی پرۆژەکە”.
لە كۆبوونەوەی ئەنجومەنی وەزیران و لەچوارچێوەی بەرنامەی حکومەت بۆ تەواوکردنی پڕۆژە داوکەوتوو و ڕاگیراوەکان، ”ڕەزامەندی درا لەسەر زیادکردنی ڕێژەی یەدەگ و تێچووی گشتی پڕۆژەی (دروستکردنی هۆڵێکی وەرزشی داخراو لە یانەی وەرزشی قورنە)”.
بە گوێرەی ڕاگەیەندراوەكە ”ئەنجومەنەکە بڕیاریدا کۆکردنەوەی باجی گومرگی لەسەر کەلوپەل و کەرەستەی هەڵبژاردنی هاوردەکراو بەناوی کۆمیسیۆنی باڵای سەربەخۆی هەڵبژاردنەکانەوە بۆ بەکارهێنانی تایبەت، بەگوێرەی بڕیاری ئەنجومەنی وەزیران (23035ی ساڵی 2023) تاوەکو 31ی کانوونی یەکەمی 2025 دوابخرێت.
هەروەها ڕەزامەندی درا لەسەر ئەوەی وەزارەتی پلاندانان ئەو (تابلێتانەی) کە لە سەرژمێری گشتی دانیشتووان و نیشتەجێبوون بۆ ساڵی 2024 بەکاری هێنا بیبەخشێت بە وەزارەت و دامودەزگا چۆنی حکومییەکان درا”.