سەرۆک وەزیران جەخت لەسەر گرنگی هەبوونی فەرمانگەی دادوەری لە هەموو شوێنەکان دەکاتەوە بۆ کەمکردنەوەی ئەرکی سەرشانی هاوڵاتیان و تێپەڕاندنی ڕۆتین

بەغدا - INA
ئەمڕۆ دووشەممە سەرۆکی ئەنجومەنی وەزیران محەمەد شیاع سودانی، لە ڕێگەی ڤیدیۆ کۆنفرانسەوە کارە جێبەجێکارییەکانی 4 پڕۆژەی کۆمەڵەی فەرمانگەی دادوەری لە قەزاکانی مەدائن لە بەغداد و بەعقوبە لە دیالە دوجێل لە سەڵاحەدین و چبایش لە زیقار ڕاگەیاند.
نووسینگەی ڕاگەیاندنی سەرۆک وەزیران لە ڕاگەیەندراوێکدا کە بۆ ئاژانسی هەواڵی عێراقی (INA) ناردوویەتی،تیایدا هاتووە :"بەڕێزیان ئاماژەی بەگرنگی تەواوکردنی ئەم پرۆژانە کرد بە پێی نوێترین پێوەرەکانی تەکنیکی و کارگێڕی، لەپێناو ڕەخساندنی ژینگەیەکی گونجاو بۆ تەواوکردنی مامەڵەکان دوور لەڕۆتین، بەتایبەتی کە وەزارەتی داد و فەرمانگەکانی لەبەغداد و پارێزگاکان پێشوازی لەهەزاران هاووڵاتی دەکەن، هەروەها بوونی فەرمانگەکانی تۆمارکردنی خانووبەرە و دادنووس و بەڕێوەبەرایەتی جێبەجێکردن و بەشی چاودێری منداڵان لەیەک شوێندا دەبێتە هۆی کەمکردنەوەی کات بۆ ئەو کەسانەی کە بەدەست پەرتەوازەیی دەزگاکان و بوونیان لەزیاتر لەشوێنێک دەناڵێنن".
ئاماژەی بەوەشکرد :"پڕۆژەکە لە چوار فەرمانگەی دادوەری لە چەند نهۆمێک پێکهاتووە، کە هەردوو بەڕێوەبەرایەتی تۆمارکردنی خانووبەرە و جێبەجێکردنی دادوەری و فەرمانگەکانی دادنوسی و چاودێری منداڵان لەخۆ دەگرێت، و بەپێی سیستەمی تاک دەروازە دیزاین کراوە لەگەڵ پەیڕەوکردنی سیستەمی ڕیزی ئەلیکترۆنی و ئاسانسەر بۆ کۆمەڵگەکە دابین کراوە، جگە لە دابینکردنی سیستەمی بەرگری شارستانی و کامێرای مۆدێرن و سیستەمی تۆڕی پەیوەندی مۆدێرن و دابینکردنی پێداویستییەکانی کەسانی خاوەن پێداویستییە تایبەتەکان".
ئەمەی خوارەوە دەقی وتارەکەی بەڕێز سەرۆکی ئەنجومەنی وەزیرانە:
🔷 جەختمان کردەوە لەسەر بنەمای تاک دەروازو، لەچوارچێوەی کاری تەواوکردنی مامەڵەکان، کە پەیوەستە بە چاکسازی ئیدارییەوە و یەکێکە لەئەولەویاتەکانی حکومەت.
🔷 جێبەجێکردنی پڕۆژەی ئۆتۆماتیکی ئەلیکترۆنی کارئاسانی دەکات بۆ تەواوکردنی مامەڵەکان بە شێوەی ئەلیکترۆنی و کەمکردنەوەی ڕۆتین و چارەسەرێکی گونجاوە بۆ بەرەنگاربوونەوەی گەندەڵی کارگێڕی و دارایی.
🔷 پێشکەشکردنی خزمەتگوزارییەکان بە شێوەیەکی ڕێک و پێک بە هاووڵاتیان یەکێکە لە ئامانجە گرنگەکانی حکومەت بەتایبەت لەو بەشانەی کە پەیوەندی ڕاستەوخۆیان لەگەڵ هاووڵاتیان هەیە.
🔷 جەخت لەسەر خێرایی تەواوکردن و دروستی ڕێوشوێنەکان دەکەینەوە، بۆ دەستەبەرکردنی مافە یاساییەکانی هاووڵاتیان و بەرزکردنەوەی ئاستی کارکردن بەپێی ڕێنماییەکانی حکومەت.
🔷 ستایشی ئەو هەوڵانە دەکەین کە دراوە بۆ ئاسانکردنی ڕێکارەکان بۆ هاوڵاتیان لەپێناو تەواوکردنی مامەڵەکان لەدامودەزگا جیاجیاکانی وەزارەتی داد.
🔷 کۆمپانیا جێبەجێکارەکان پابەندن بە جێبەجێکردنی ئەو پڕۆژانە بەپێی خشتە و دیزاینە پلان بۆ داڕێژراوەکان، و پابەندبوون بە ماوەی دیاریکراو.