سلێمانی میوانداری پاڵەوانێتیەكی پاسکیلسواری عەرەبی دەکات

وەرزش

24-03-2025, 13:35

+A -A

بەغدا - INA
عەلی حەمید سەرۆکی فیدراسیۆنی پاسکیلسواری عێراق ڕایگەیاند، فیدراسیۆنەکە ڕەزامەندی فەرمی لە فیدراسیۆنی پاسکیلسواری عەرەبی وەرگرتووە بۆ ڕێکخستنی پاڵەوانێتی عەرەبی (بۆ ڕێگا) لە مانگی تشرینی یەکەمی داهاتوو لە پارێزگای سلێمانی، بە بەشداری ژمارەیەکی زۆر لە تیپە پاسکیلسوارییە عەرەبییەکان.
حەمید لە بەیاننامەیەکدا کە بۆ ئاژانسی هەواڵی عێراقی (INA) گەیشتووە، ڕایگەیاندووە، “فیدراسیۆنەکە بە فەرمی بانگهێشتی سەرۆکی فیدراسیۆنی پاسکیلسواری عەرەبی فەیسەڵ قاسمی و ئەمینداری گشتی ئیسماعیل حوسنی کردووە بۆ ئەوەی سەردانی بەغدای پایتەخت بکەن و لەگەڵ سەرۆک و ئەندامانی فیدراسیۆنی پاسکیلسواری عێراق کۆببنەوە بۆ دیاریکردنی وادەی فەرمی دەستپێکردنی پێشبڕکێیە عەرەبییەکان”. هەروەها "بڕیارە قاسمی و حوسنی سەردانی پارێزگای سلێمانیش بکەن ، بۆ پێداچوونەوەی تەواو بە ئامادەکارییەکانی فیدراسیۆن بۆ میوانداریکردنی پێشبڕکێ عەرەبییەکان بە ئامادەکردنی هەموو بابەتە لۆجستی، ڕێکخراوەیی، کارگێڕی و تەکنیکییەکان، بۆ ئەوەی پاڵەوانێتییەکە بە باشترین شێوە دەربکەوێت.”