دوو تیرۆریست لە سلێمانی و سەڵاحەدین دەستگیردەكرێن

ئەمنی

21-03-2025, 17:56

+A -A

بەغداد - INA
ئەمڕۆ هەینی، دەزگای دژە تیرۆر، دەستگیركردنی دوو تیرۆریستی لە پارێزگاكانی سلێمانی و سەڵاحەدین ڕاگەیاند.
دەزگاكە لە بەیاننامەیەكدا كە بۆ ئاژانسی هەواڵی عێراقی (INA) ی ناردووە، دەڵێت: بەپێی زانیاریی دروست و بە هاوكاری بەرێوەبەرایەتی ئۆپراسیۆنەكانی دەزگای ئاسایشی هەرێمی كوردستان، دەزگای دژە تیرۆر توانی تیرۆریستێك لە پارێزگای سلێمانی دەستگیربكات، كە لە پێگەیەكی سەربازیدا لە چوارچێوەی بەناو ویلایەتی فەللوجە كاری دەكرد.
راشیگەیاند: هەروها هێزێكی دەزگاكە بە هەماهەنگی لەگەڵ دەزگای هەواڵگری و كاروباری فیدراڵی، توانی تیرۆریستێك لە پارێزگای سەڵاحەدین دەستگیربكات، كە لە پێگەیەكی سەربازیدا لە چوارچێوەی بەناو ویلایەتی كەركوك كاری دەكرد.
ئاشكراشیكرد: لە ئۆپەراسیۆنەكاندا بۆ ئەنجامدانی ئەركی چاودێری، لەسەر سنوورەكانی جیاكردنەوەی پارێزگاكانی (كەركوك - سەڵاحەدین) لە زنجیرە چیای حەمرین و دوورگەی حەزەر، توانیمان (4) حەشارگە بتەقێنینەوە و لەناویان ببەین.