عێراق ده‌ستپێكردنه‌وه‌ی ئۆپەراسیۆنە سەربازییە دڕندەکانی زایۆنیستەکان لە کەرتی غەززە ئیدانه دەکات
سیاسی
- 18-03-2025, 16:53
بەغدا - INA
وەزارەتی دەرەوەی عێراق ڕۆژی سێشەممە ده‌ستپێكردنه‌وه‌ی ئۆپەراسیۆنە سەربازییە ئیسرائیلی لە کەرتی غەززە شەرمەزار کرد و بە دڕندانە وەسفی کرد و داوای لە کۆمەڵگەی نێودەوڵەتی کرد بۆ کۆتایی هێنان بە پێشێلکارییە قورسەکان و پاراستنی هاووڵاتیانی مەدەنی فەلەستینی.
وەزارەتی دەرەوە له راگه‌یندراوێكدا كه بۆ ئاژانسی هه‌واڵی عێراق(INA) نێردراوه تێیدا هاتووه " وەزارەتی دەرەوەی به‌توندی ئیدانی هێرشه سه‌ربازییه‌كانی كیانی زایۆنستی ده‌كات بۆ سه‌ر كه‌رتی غه‌ززه ، كه له ئه‌نجام ئه‌و هێرشانه 404 هاوڵاتی فه‌له‌ستینی له ژن و منداڵ و پیر شه‌هید بوون ، بەپێی ئەوەی وەزارەتی تەندروستی لە کەرتی غەززە ڕاپۆرتی".
، که له ئه نجامی شه هیدبوونی 404 که سی فه له ستینییه کاندا بووه ، ده ڕبڕێت کە منداڵ و ژن بوون، هەروەها برینداربوونی ٥٦٢ کەسی دیکە،
له راگه‌یندراوه‌كه‌د ئه‌وه‌یش هاتووه كه" ئەم کردەوە شەڕانگێزانە پێشێلکارییەکی ئاشکرای یاسای نێودەوڵەتی و مرۆیی پێکدەهێنن و ڕاستەوخۆ خەڵکی مەدەنی بێتاوان دەکەنە ئامانج، ئەمەش پشتڕاستکردنەوەی بەردەوامی سیاسەتی سەرکوت و دەستدرێژییە کە قەوارەی زایۆنیستی بەرامبەر گەلی فەلەستین پەیڕەوی دەکات.
وەزارەتی دەرەوە داوای لە کۆمەڵگەی نێودەوڵەتی کرد بەرپرسیارێتی ئەخلاقی و یاسایی خۆی لە ئەستۆ بگرێت و هەنگاوی بەپەلە بگرێتەبەر بۆ کۆتاییهێنان بەم پێشێلکارییە قورسانە و پاراستنی هاوڵاتیانی مەدەنی فەلەستینی لە بەردەوامی هێرشەکان کە پێچەوانەی سەرەتاییترین بنەماکانی مافەکانی مرۆڤن.
وەزارەتی دەرەوە لە راگه‌یندراوه‌كه‌دا پاڵپشتی به‌راده‌وامی کۆماری عێراقی بۆ گەلی فەلەستین لە خەباتی دادپەروەرانەی خۆیان بۆ گەیشتن بە ئازادی و مافە ڕەواکانیان لەوان مافی چارەی خۆنووسین و دامەزراندنی دەوڵەتی سەربەخۆ دووپاتکردەوە.
