وەزارەتی ناوخۆی عێراق دەستبەسەرداگرتنی 1100 کیلۆگرام کەپتاگۆن و دەستگیرکردنی تۆڕێکی مەترسیداری مادە هۆشبەرەکان ڕادەگەیەنێت

بەغدا-INA
ئەمڕۆ یەکشەممە،وەزارەتی ناوخۆی عێراق ڕایگەیاند : کە توانیویەتی 1100کیلۆگرام حەبی هۆشبەر لەجۆری کەپتاگۆن کە لە دەرەوەی عێراقەوە هاتووە دەستبەسەر بکات و تۆڕێکی مەترسیداری بازرگانی مادە هۆشبەرەکان دەستگیر بکات.
لەوبارەیەوە "عەمید میقداد میری " وتەبێژی وەزارەتی ناوخۆی عێراق ، لە کۆنفرانسێکدا کە ئاژانسی هەواڵی عێراقی (INA) رووماڵی کردوە ، راگەیاند : ئەم سەرکەوتنە بە هاوکاری لەگەڵ بەرێوەبەرایەتی بەرەنگاربوونەوەی مادە هۆشبەرەکانی سعودیە ئەنجام دراوە، کە زانیاری گرنگیان پێشکەش کرد وە دوای وەرگرتنی ڕەزامەندی دادوەری، بەڕێوەبەرایەتییەکانی بەرەنگاربوونەوەی مادە هۆشبەرەکانی هەولێر و سلێمانی بەشدارییان لە ئۆپەراسیۆنەکەدا کرد.
میری دەشلێت : کاری هەواڵگری بووە هۆی ئەوەی کە بەڕێوەبەرایەتی گشتی بەرەنگاربوونەوەی مادە هۆشبەرەکان لۆرییەک دەستبەسەر بکات کە لە سوریاوە بەرەو عێراق دەهات و لە ڕێگای تورکیاوە تێپەڕیبوە و تۆمەتبارەکە  دەستگیر کراوە و تۆڕەکەیان هەڵوەشێنرایەوە، ئەمەش دوای چاودێری و بەدواداچوونێکی ورد و  نهێنی هەتا کاتی دەستبەسەرکردنی لۆرییەکە.
بەگوتەی میری ئەم کارە هاوبەشە جەخت لەسەر یەکێتی ئامانج و ڕێگرتن لە کەسانی خراپ دەکاتەوە کە کۆمەڵگای عێراقی دەکاتە ئامانج.