سبەی هەینی .. مانگگیرانی دەگمەنی تەواوەتی

بەدواداچوون - INA
سبەی هەینی، زەوی مانگگیرانێكی تەواوەتی بەخۆیەوە دەبینێت، كە یەكەمین مانگگیرانە و پێشبینی دەكرێت ئەمساڵ سێبەری كەوانەیی زەوی بەڕوونی لەسەر ڕووی مانگدا دەربكەوێت لە كاتی ئەم دیاردە فەلەكییە دەگمەنەدا.
سەرۆكی كۆمەڵەی فەلەكناسی لە شاری جددە لە سعودیە ماجد ئەبو زەهرا، رایگەیاند: ئەم مانگ گیرانە بە تەواوی بە چاو لە چەند ناوچەیەكی جیهاندا دەبینرێت، لەوانە بەشێك لە كیشوەری جەمسەری باشور و  نیوەی ڕۆژئاوای ئەفریقا، ئەوروپای ڕۆژئاوا و زەریای ئەتڵەسی، ئەمریكا، زەریای هێمن، ڕۆژهەڵاتی ئوسترالیا، باكوری ژاپۆن، و ڕۆژهەڵاتی ڕووسیا، بەڵام دانیشتوانی ڕۆژهەڵاتی ناوەڕاست ناتوانن بیبینن.
ئەبو زەهرا ڕوونیشیكردەوە: كە مانگگیرانەكە بە هەموو قۆناغەكانی لە نێوان كاتژمێر 6:57 بەیانی تا 1:00ی پاشنیوەڕۆ بەكاتی مەككەی پیرۆز ڕوودەدات، مانگ سێ ڕۆژ ماوە بۆ ئەوەی بگاتە لوتكە، ئەمەش دەبێتە هۆی ئەوەی كە مانگ بە ڕێژەی 5.2% بچووكتر لە ئاستی ئاسایی دەربكەوێت. لە كاتی مانگیرانی بەشەكیدا سێبەری كێشراوی زەوی لەسەر ڕووی مانگ دەردەكەوێت، ئەمەش دیاردەیەكە كە لە مێژوودا بۆ نیشاندانی گۆیی زەوی بەكارهاتووە.