عێراق و لیبیا تاوتوێی واژۆکردنی ڕێککەوتنی دوو قۆڵی بۆ پەرەپێدانی خزمەتگوزاری تەندروستی دەکەن
سیاسی
- 12-03-2025, 00:00
بەغدا - INA
ئەحمەد سەحاف، بەرپرسی کاروباری باڵیۆزخانەی کۆماری عێراق لە تەرابلوس، لەگەڵ جێگری سەرۆک وەزیران و وەزیری تەندروستی بەرپرسی حکومەتی یەکگرتوویی نیشتمانیی لیبیا، ڕەمەزان ئەبوجەناح، سەبارەت بە ئەگەری واژۆکردنی ڕێککەوتنی دووقۆڵی لە بواری پەرەپێدانی خزمەتگوزارییە تەندروستییەکانی نێوان هەردوو وڵات تاوتوێ کرد.
لە ڕاگەیەندراوێکی باڵیۆزخانەی عێراق لە تەرابلوس کە بۆ ئاژانسی هەواڵی عێراقی (INA)نێردراوه ، تێیدا هاتووە، " ئەحمەد سەحاف، بەرپرسی کاروباری باڵیۆزخانەی کۆماری عێراق لە تەرابلوس، لەگەڵ جێگری سەرۆکوەزیران و وەزیری تەندروستی بەرپرسی حکوومەتی یەکێتی نیشتیمانی لیبیا، ڕەمەزان ئەبوجەناح، لە بارەگای وەزارەتەکە لە تەرابلوسی پایتەختی لیبیا کۆبووەوە بۆ گفتوگۆکردن هاوکاری هاوبەش لە بواری تەندروستی نێوان هەردوو وڵاتدا بەرز بکەنەوە".
له راگه‌یندراوه‌كه‌دا هاتووه كه، "لە کۆبوونەوەکەدا لایەنەکانی هاوبەشی تەندروستی نێوان عێراق و لیبیا تاوتوێ کرا، لەوانە ئاڵوگۆڕی شارەزایی پزیشکی و هاوکاری لە بوارەکانی ڕاهێنان و چاکسازی و دامەزراندنی کارمەندی پزیشکی عێراقی بۆ پاڵپشتیکردنی دامەزراوە تەندروستییەکانی لیبیا. هەروەها باس لە ئەگەری واژۆکردنی ڕێککەوتنی دووقۆڵی بە ئامانجی پەرەپێدانی خزمەتگوزارییە تەندروستییەکان و بەرزکردنەوەی کوالێتییان کرا، کە ڕەنگدانەوەی ئەرێنی دەبێت لەسەر سیستەمی تەندروستی لە هەردوو وڵات".
بەگوێرەی راگه‌یندراوه‌كه سەحاف جەختی لە "ئامادەیی عێراق بۆ به‌هێزكردنی هاوکاری لەگەڵ لیبیا کردووەتەوە و ستایشی ەیوەندییە مێژووییەکانی نێوان هەردوو وڵات"ی کردووە".
هه‌ر له راگه‌یندراوه‌كه‌دا ئاماژه بۆ ئه‌وه‌یش كرا كه "گرنگی چەسپاندنی کاری هاوبەش لە بوارەکانی تەندروستیدا بە تایبەتی لە ژێر ڕۆشنایی ئەو تەحەددایانەی ڕووبەڕووی کەرتی تەندروستی دەبێتەوە لە ناوچەکەدا"، ڕوونیکردەوە "هەماهەنگییەکی به‌هێز لە نێوان کۆمەڵە پزیشکییەکانی هەردوو وڵاتدا هەیە، کە بەشدارە لە پەرەپێدانی کەرتی پزیشکی و بەرزکردنەوەی دەرفەتەکان بۆ هاوکارییەکانی داهاتوو".
هه‌ر به‌گوێره‌ی راگه‌یندراوه‌كه لای خۆیەوە ئەبوجەناح لەمیانی دیدارەکەدا جەختی لەوە کردەوە، "پەرۆشی وەزارەتی تەندروستی لیبیا بۆ به‌هێزكردنی هاریکاری لەگەڵ وڵاتانی دۆست، و سود وەرگرتن لە ئەزموونە سەرکەوتووەکان لە کەرتی تەندروستی، بە ئامانجی به‌هێزكردنی کارایی دامەزراوە تەندروستییەکان و بەرزکردنەوەی ئاستی خزمەتگوزارییەکانی پێشکەشکردنی هاووڵاتیان".
جەختیشی لە "گرنگی سود وەرگرتن لە شارەزایی عێراقی لە پسپۆڕییە پزیشکییە جیاوازەکان کردەوە"، ئاماژەی بەوەشکرد "لیبیا پێشوازی لە کاراکردنی پرۆگرامی پزیشکی سەردانکەر دەکات، کە ڕێگە بە دامەزراندنی پزیشکی عێراقی دەدات بۆ کارکردن لە نەخۆشخانەکانی لیبیا، ئەمە جگە لە فراوانکردنی هاوکاری لە کەرتی پیشەسازیی دەرمانسازی بۆ بەرزکردنەوەی ئاسایشی دەرمان لە هەردوو وڵات".
بەپێی راگه‌یندراوه‌كه، لەکۆتایی کۆبوونەوەکەدا هەردوولا ڕێککەوتوون،له‌سه‌ر"بەردەوامی هەماهەنگی و ڕاوێژکاری نێوان لایەنە پەیوەندیدارەکان لە هەردوو وڵات، و کارکردن بۆ کاراکردنی میکانیزمەکانی هاوکاری تەندروستی لەڕێگەی ئاڵوگۆڕی سەردانەکانەوە، و واژۆکردنی یاداشتنامەی لێکتێگەیشتن کە بەشدارن لە بەرزکردنەوەی یەکگرتنی دامەزراوە تەندروستییەکانی عێراق و لیبیا".
