سەرۆک وەزیران فەرمانیدا بە دابینکردنی پێداویستیەکانی چاودێری پزیشکی و تەندروستی بۆ خانەکانی چاودێری بەسەڵاچوان

ناوخۆ

2-03-2025, 20:58

+A -A

بەغدا-INA
ئەمڕۆ یەکشەممە"محمد شیاع سودانی " سەرۆکی ئەنجومەنی وەزیران،فەرمانیدا پێداویستیەکانی چاودێری پزیشکی و تەندروستی بۆ خانەکانی چاودێری دابین بکات،ڕاشیگەیاند کە بەم زووانە خانووی نوێ بە تایبەتمەندی نوێ بنیات دەنرێت.
نووسینگەی راگەیاندنی سەرۆکی ئەنجومەنی وەزیران لە ڕاگەیەندراوێکدا کە بۆ ئاژانسی هەواڵی عێراقی (INA) ناردوویەتی،تیایدا هاتووە: ئێوارەی ئەمڕۆ یەکشەممە"محمد شیاع سودانی"سەرۆکی ئەنجومەنی وەزیران، لەگەڵ بەسالاچووانی نیشتەجێبووی هەردوو خانەی (ڕەشاد وسلیخ) بۆ چاودێری بەسالاچووان ،بەشداری خوانێکی بەربانگی مانگی ڕەمەزانی پیرۆزی کرد
وەک راگەیەندراوەکە ئاماژەی پێداوە "سودانی" پیرۆزبایی لە ئامادەبووان کرد بە بۆنەی هاتنی مانگی ڕەمەزانی پیرۆز، داوای لە خودای گەورە کرد کە ئەم مانگە بکاتە مانگی خێر و بەرەکەت بۆ هەمووان، هەروەها گوێی لە داواکاری بەسالاچووان گرت، و فەرمانیدا بە چارەسەرکردنی کێشە کارگێڕی و خزمەتگوزارییەکان.
لەدرێژەی ڕاگەیەندراوەکەدا هاتووە : "سودانی " هەوڵەکانی فەرمانبەر و کارمەندانی خانەکانی چاودێری بەرز نرخاند، ئەمەش دەرخەری ڕۆڵی مرۆڤانەی گەورەیانە کە لە سنووری پیشەکەیان دەیدەن، جەختی کردەوە لەسەر بەدواداچوونی بەردەوامی بۆ دابینکردنی پێداویستی و داواکارییەکانی ئەم خانانە، و بەدواداچوون بۆ دابینکردنی بەرنامەی سەردان و گەشت، و ئەنجامدانی رێوڕەسمی عومرە بۆ نیشتەجێبووانی خانەکانی چاودێری.
بەگوێرەی ڕاگەیەندراوەکە : سەرۆکی ئەنجومەنی وەزیران جەختی کردووەتەوە لەسەر چاودێریکردنی کاروباری خانەکانی چاودێری، و ئاستی بایەخپێدان و چاودێری، و بەردەوامبوون لە گرینگیپێدانیان.
هەر بەگوێرەی ڕاگەیەندراوەکە : سەرۆکی ئەنجومەنی وەزیران،فەرمانیدا بە دابینکردنی هەموو پێداویستیەکانی تایبەت بە چاودێری پزیشکی و تەندروستی بۆ خانەکانی چاودێری، لەگەڵ ئەوەشدا بەم زووانە دەست دەکرێت بە دروستکردنی خانووی نوێ بە تایبەتمەندی مۆدێرن و نەخشەی نوێ کە ئاسوودەیی بۆ نیشتەجێبووان دابین دەکات.