جێگری فەرماندەی ئۆپراسیۆنە هاوبەشەکان: هاوشێوەی سوپاکانی جیهان هێزە ئەمنییەکانمان ئەزموونی گەورەیان بەدەستهێناوە

ئەمنی

2-03-2025, 15:30

+A -A

بەغداد - INA - حەسەن ئەلفەواز
ئەمڕۆ یەکشەممە"فەریق یەکەم ڕوکن قەیس موحەمەداوی" جێگری فەرماندەی ئۆپراسیۆنە هاوبەشەکان،جەختی کردەوە کە عێراق خاوەنی ئەزموونێکی سەربازی گەورە و ڕۆحێکی نیشتمانی بەرزە، هەروەها ئاماژەی بە کارکردن لەسەر پەرەپێدانی پێگەیشتنی هەواڵگری بۆ دڵنیاکردنی سەقامگیری وڵات کرد.
"موحەمەداوی " بە ئاژانسی هەواڵی عێراقی (INA)ی ڕاگەیاند: پلان و ستراتیژییە سەربازییەکان لە گەشەسەندنی بەردەوامدان و هێزە ئەمنییەکانی عێراق ئەزموونی گەورەیان پەیداکردوە کە هاوشێوەی سوپاکانی جیهانە.
ڕوونیشیکردەوە : کە هێزەکانمان تایبەتمەندی ئارامگرتن و ئامادەبوون بۆ قوربانیدانیان تێدایە، ئەمانە سیفەتگەلێکن کە لە هەموو سوپاکانی جیهاندا هەن، بەڵام گرنگە ئەم توانا مەزنانە بە سیستەمی تەکنیکی پێشکەوتوو،و ئامرازی چاودێری نوێ و چەکی پێشکەوتوو بەهێز بکرێن، بۆ ئەوەی هاوتەریب بین لەگەڵ پێشکەوتنی جیهان.
ووتیشی : عێراق خاوەنی ئەزموونێکی سەربازی گەورە و ڕۆحێکی نیشتمانی بەرزە، لەگەڵ بەردەستبوونی تەکنۆلۆژیای نوێدا، دەگەینە قۆناغێکی دڵنیاکەر کە پاراستنی وڵات دەستەبەر دەکات.