ڕاوێژکاری ئاسایشی نیشتمانی گواستنەوەی 12 هەزار عێراقی لە کەمپی هۆل و وەرگرتنەوەی سێ هەزار تیرۆریست ڕادەگەیەنێت

بەغدا - INA- ویسام مه‌لا

ئەمڕۆ سێشەممە، قاسم ئەعرەجی، ڕاوێژکاری ئاسایشی نیشتمانی پشتڕاستیکردەوە، عێراق لە ڕێگەی هەنگاوی دراسه‌كراوه‌ و پلان بۆ دارێژراو کۆتایی بە هۆکارە ناوخۆییەکانی توندڕەوی و بەدیهێنانی دادپەروەری بهێنرێت، هاوکات ئاماژەی بە گواستنەوەی 12 هەزار هاوڵاتی لە کەمپی هۆڵ، و وەرگرتنەوەی سێ هەزار تیرۆریست لە سوریا راگه‌یاند.

ئەعەرەجی لە وتارێکدا لە میانی سێهەمین کۆنفرانس بۆ ئاهەنگگێڕان بە بۆنەی ڕۆژی جیهانیی ڕێگریکردن لە توندڕەوی توندوتیژی کە بەرەو تیرۆر دەبات، بە هاوکاری لەگەڵ پرۆگرامی پەرەپێدانی نەتەوە یەکگرتووەکان و کۆماری فیدراڵی ئەڵمانیا، و بە ئامادەبوونی پەیامنێری ئاژانسی هەواڵی عێراقی (INA) ڕایگەیاند: "عێراق لە ساڵانی ڕابردوودا ڕووبەڕووی جۆرەکانی توندڕەوی بووەتەوە کە دەبێتە هۆی تیرۆر بە هۆکاری جیاجیا، لەوانە هەستکردن بە پەراوێزخستن و دوورخستنەوە و دادپەروەری، و ئەوەی کە ڕێزگرتن لە یاسا نێودەوڵەتییەکان و بنەماکانی مافی مرۆڤ هاوبەشی بنیاتنەری ڕاستەقینەی نێوان وڵاتان و ئاڵوگۆڕی شارەزایی و ئەزموونەکانە کە توانای یارمەتیدانی هەموومانە بۆ چێژوەرگرتن لە ئاسایش و ئارامی بۆ ئێمە و بۆ گەلانی دیکە"، ئاماژەی بەوەشکرد کە "خۆشەویستی ئاشتی نزیکمان دەکاتەوە و هەموو هۆکارەکانی ناکۆکی لادەبات کە دەبنە هۆی سەرهەڵدانی ناکۆکی و کێشەی دوورکەوتنەوە، و هەموو کەسێک توانای ئەوەی هەیە کە ئەو کارە بکات".

ئاماژەی بەوەشکرد، "عێراق هەوڵیداوە، لەڕێگەی هەنگاوی دراسكراوه‌، کۆتایی بە هۆکارە ناوخۆییەکانی توندڕەوی و بەدیهێنانی دادپەروەری بە بەشداریی هەمووان بهێنرێت، لەڕێگەی هەڵبژاردنی دیموکراسی و حکومەتێکی مەدەنییەوە، دوور لەهەر فشارێکی ئایینی، تائیفی یان نیشتمانی بۆ چالاککردنی پرەنسیپی هاوڵاتیبوون لەڕێگەی هاوکاریی عێراق لەگەڵ نەتەوە یەکگرتووەکان و ڕێکخراوە نێودەوڵەتییەکان و وڵاتانی دۆست، گەیشتوینەتە قۆناغێکی ئارام و سەقامگیری پەرەپێدان و وەبەرهێنان و بنیاتنانی پەیوەندییەکان، عێراق زۆر حەزی لەوە بووە گۆڕەپانێک نەبێت بۆ ململانێ ناوخۆیی و نێودەوڵەتییەکان، بەڵکو پرد و شوێنێک بێت بۆ سۆز و کۆتاییهێنان بە جیاوازییەکان”.

ئەعەرەجی ئاماژەی بەوەشکرد، "تا ئێستا ١٢ هەزار هاوڵاتی عێراقی لە کەمپی هۆڵه‌وه‌ گواستراونەتەوە، کە لە مانگی پێنجی ساڵی ٢٠٢١ دەستمان پێکردووە، کە هاوڵاتی عێراقی لەم کەمپە گواستراونەتەوە و تا ئێستاش نزیکەی ١٦ هەزار هاوڵاتی عێراقیمان هەیە"، ڕوونیکردەوە "حکومەتی عێراق بڕیاریداوە هەموو عێراقییەکان بگوازێتەوە بۆ ناوخۆی وڵات و بیانخاتە نێو بەرنامەکانی چاکسازیی دەروونی و کۆمەڵایەتییەوە". 

جەختیشی کردەوە کە "وەڵامێکی زۆر لەلایەن ڕێکخراوە نێودەوڵەتییەکانەوە هەیە، هەروەها سوپاسی ڕێکخراوەکانی نەتەوە یەکگرتووەکان دەکەین کە هاوکاری عێراقیان کردووە، داواش دەکەین هاوکاری هەموو لایەکمان لەگەڵدا بکەین بۆ تەواوکردنی ئەم دۆسیە"، داوای "چۆڵکردنی کەمپی ئەلهۆڵ لە سەرجەم دانیشتووانەکەی و سووری و بیانییەکان کە سەر بە 60 وڵاتی بیانین، و پێویستە هاوڵاتییەکانیان لەم کەمپە بکشێنەوە بۆ ئەوەی تیرۆر نەگەڕێتەوە".

ئاماژەی بەوەشکرد، "نزیکەی سێ هەزار تیرۆریستی عێراقی لە زیندانەکانی باکوری سوریاوە وەرگیراون و ڕادەستی وەزارەتی ناوخۆ کران بۆ تەواوکردنی ڕێکارەکانی لێکۆڵینەوە و دابینکردنی دادپەروەری و دادگاییکردنی دادپەروەرانە. ئەوان هێنرانە بەردەم دەسەڵاتی دادوەری، هەندێکیان بەهۆی کەمی بەڵگەوە ئازادکران، هەندێکیشیان بەپێی ئەو بەڵگانەی کە پێشکەشکرابوون دادگایی کران".

جەختیشی کردەوە کە "عێراق لە ڕێگەی پەیوەندییە جۆراوجۆرەکانیەوە، هەوڵی نەهێشتنی هەموو جیاوازییەک دەدات. لە وڵاتانی دراوسێوە دەستمان پێکرد، کە گرنگییەکی زۆریان هەیە، شانازیش بە ئاستی پەیوەندییە جیاجیاکان لەگەڵ وڵاتانی دراوسێ و ناوچەکە و جیهان دەکەین".