سەرۆک کۆمار و پاشای ئوردن پشتیوانیی چەسپاوی بۆ مافی گەلی فەلەستین بۆ دامەزراندنی دەوڵەتەکەیان دووپات دەکەنەوە

بەغدا - INA

 سەرۆک کۆمار لەتیف جەمال رەشید، و عەبدوڵڵای دووەم پاشای ئوردن، ئه‌مڕۆ هەینی، پشتیوانیی چەسپاوی خۆیان بۆ مافی گەلی فەلەستین بۆ دامەزراندنی دەوڵەتەکەیان دووپاتکردەوە.

 نووسینگەی راگەیاندنی سەرۆكایەتی كۆمار لە ڕاگەیاندراوێكدا كە بۆ ئاژانسی هەواڵی عێراقی (INA  ) نێردراوە: تێیدا هاتووە " ئه‌مرۆهەینی لەگەڵ پاشا عەبدوڵڵای دووەم بن ئەلحوسێن  پاشای ئوردن گفتوگۆی کرد لەسەر ئەو هەوڵانەی بۆ کۆنتڕۆڵکردنی گرژییەکان لە ناوچەکە و سەقامگیرکردنی ناوچەکە ئەنجام دراوە". 

له‌ راگه‌یندراوه‌كه‌ ئه‌وه‌یش هاتووه‌ كه‌ "لە پەیوەندییەکی تەلەفۆنیدا سەرۆک کۆمار و  شاعەبدوڵا پشتیوانی پتەوی خۆیان بۆ مافی گەلی فەلەستین بۆ دامەزراندنی دەوڵەتی سەربەخۆ لەسەر بنەمای بڕیارەکانی نەتەوەیەکگرتووەکان و یاسا نێودەوڵەتییەکان دووپاتکردەوە کە ئەمەش بنەمایەکە بۆ بەدیهێنانی ئاشتییەکی دادپەروەرانە و گشتگیر لە ناوچەکەدا". 

هه‌روه‌ها له‌ راگه‌یندراوه‌كه‌ ئه‌وه‌یش هاتووه‌ كه‌ "پەیوەندییە دووقۆڵییەکانی نێوان هەردوو وڵاتی برا و گرنگی هەماهەنگی هاوبەشیان تاوتوێکرد بەشێوەیەک کە یارمەتیدەر بێت بۆ بەدیهێنانی بەرژەوەندییە باڵاکان و قوڵکردنەوەی هاوکاری نێوانیان".