لە موسڵی كۆن 27 تەرم دەرهێنرانەوە
- 1-06-2018, 00:00
موسڵ – شروق ماهر بەرێوەبەرایەتی بەرگری شارستانی، ئەمرۆ هەینی، رایگەیاند: 27 تەرمی تریان لەژێر داروپەردوی خانووە روخاوەكانی موسڵی كۆن دەرهێناوەتەوە. رائید خەلیل ئیبراهیم بەرپرسی راگەیاندنی بەرێوەبەرایەتی بەرگری شارستانی بە ئاژانسی هەواڵی عێراقییە (ا ه ع)ی راگەیاند:" تیمەكانی بەرگری شارستانی بە هاوكاری هێزەكانی پۆلیسی پارێزگای نەینەوا توانیویانە 27 تەرمی تر لەژێر داروپەردوی خانووە روخاوەكانی موسڵی كۆن دەربهێننەوە". وتیشی" زۆرینەی تەرمەكان ژن و منداڵن و لەلایەن تیرۆریستانی داعشەوە كۆمەڵوژ كرابوون لەكاتی پرۆسەی ئازادكردنی شاری موسڵدا" ئاماژەی بەوەشدا" هێزە ئەمنیەكان و تیمەكانی بەرگری شارستانی تەرمەكانیان رادەستی فەرمانگەی پزیشكی دادوەری كردووە بەمەبەستی ئاشكراكردنی ناسنامەیان".
کۆمکاری عەرەبی پشتیوانی له‌داواکاری عێراق ده‌كات
- سیاسی
- 02:48