وەزیری دارایی: عێراق ژینگەیەكی سەرنجڕاكێشی وەبەرهێنان دابین دەكات لەسەر بنەمای ژێرخانی پێشكەوتوو

ئابوری
  • 29-01-2025, 20:36
  • +A -A

    بەغداد - INA
    ئەمڕۆ چوارشەممە، وەزیری دارایی تەیف سامی، تەئكیدیكردەوە:  عێراق ژینگەیەكی سەرنجڕاكێش بۆ وەبەرهێنان لەسەر بنەمای ژێرخانی پێشكەوتوو دابین دەكات.
    وەزارەتی دارایی لە بەیاننامەیەكدا كە بۆ ئاژانسی هەواڵی عێراقی (INA) ی ناردووە، دەڵێت: ئەمڕۆ وەزیری دارایی تەیف سامی پێشوازی كرد لە باڵیۆزی كۆماری چیك لە عێراق یان شنایداوڤ، و تاوتوێی ئاسۆی هاوكاری هاوبەش لە بوارەكانی ئابووری و وەبەرهێنان كرد.
    لە دیدارەكەدا وەزیر جەختیكردەوە: عێراق ژینگەیەكی سەرنجڕاكێشی وەبەرهێنان دابین دەكات لەسەر بنەمای ژێرخانی پێشكەوتوو و وتیشی: دەرفەتەكان بۆ وەبەرهێنەرە بیانییەكان رەخسێنراون بەتایبەتی لە كەرتەكانی بانكی و وزە و پیشەسازیدا.
    هاوكات تەئكیدی لە  پابەندبوونی حكومەتی عێراق بە بەرزكردنەوەی هاوكاری لەگەڵ كۆماری چیك لە بوارەكانی دارایی و ئاوەدانكردنەوە و سود وەرگرتن لە شارەزایی چیك لە پەرەپێدانی كەرتی دارایی و بانكیدا كردەوە.
    لای خۆیەوە باڵیۆزی چیك ویستی وڵاتەكەی بۆ پتەوكردنی هاوبەشی ئابووری لەگەڵ عێراق دەربڕی، و جەختیكردەوە: لە ئامادەیی كۆمپانیا چیكییەكان بۆ وەبەرهێنان لە بازاڕی عێراق بەتایبەتی لە بوارەكانی تەكنەلۆجیا و پیشەسازیدا.
    هەروەك تەئكیدی لە  گرنگی فراوانكردنی ئاڵوگۆڕی بازرگانی نێوان هەردوو وڵات و بەهێزكردنی كەناڵەكانی هاوكاری دارایی كردەوە.