![](https://www.ina.iq/kurd/uploads/posts/2025-01/thumbs/1738091890_182812025474897238_1031294399027390_2994760221069908943_n.jpg)
ههولێر -INA
بەڕێوەبەرایەتی گشتی ئۆپراسیۆنەکانی ئاسایش ، لەسێ ئۆپراسیۆندا لەدەوروبەری سلێمانی توانی پێنج تیرۆریستی داعش دەستگیربکەن.
دەزگای ئاسایشی هەرێم له راگهیندراوێكدا كە وێنەیەكی دەست ئاژانسی ههواڵی عێراقی كهوتووه تێیدا هاتووه" لە ڕۆژانی 19 و 23 و 26ی ئەم مانگە، بەڕێوەبەرایەتی گشتی ئۆپراسیۆنەكانی ئاسایش بەهەماهەنگی دەزگای ئاسایشی نیشتمانیی عیراق، لە سێ ئۆپراسیۆنی سەركەوتوودا، لەسەر بنەمای زانیاری هەواڵگری، بەبڕیاری دادوەری لێكۆڵینەوەی ئاسایش، دوای بەدواداچوون و كۆكردنەوەی زانیاری ورد و دەستنیشانكردنی شوێنی تیرۆریستان، توانیان پێنج تیرۆریستی داعش لە دەوروبەری سلێمانی دەستگیربكەن بەناوەكانی (ص ث ع)، (و ا ر)، (ص س ص)، (م ع ح) و (خ ب ع)، سەرجەمیان داواكراوی دادگاكانی عیراق بوون".
له راگهیندراوهكهد ئهوهیش هاتووه كه،" تیرۆریستان بەمەبەستی خۆحەشاردان ڕوویان لە دەوروبەری سلێمانی کردبوو کە لەماوەی ڕابردوودا چەندین خولی شەرعی و سەربازیان بینیوە. لەئێستادا تۆمەتباران بەماددەی چواری تیرۆر راگیراون و رووبەرووی یاساکراونەتەوە و لێکۆڵینەوە لە دۆسیەکانیان بەردەوامە".