عێراق پێشوازی له‌ڕێككه‌وتنی ئاگربه‌ست له‌غه‌ززه ده‌كات
سیاسی
- اليوم, 10:02
به‌غدا-INA
وەزارەتی دەرەوەی عێراق پێشوازی لە ڕێککەوتنی ئاگربەست لە غەززە کرد.
وەزارەتی ده‌ره‌وه لە بەیاننامەیەکدا کە بۆ ئاژانسی هەواڵی عێراقی (INA) ناردووە، ڕایگەیاندووە" پێشوازی لە ڕێککەوتنی ئاگربەست لە غەززە دەکه‌ین، کە دوای قوربانیدانی گەورە و ئازاری گەورە بۆ گەلی فەلەستین لە کەرتی غەززە دێت.
هه‌روه‌ها وەزارەت ستایشی هەوڵە گەورەکانی دەوڵەتی قەتەر و کۆماری میسری عەرەبی و ویلایەتە یەکگرتووەکانی ئەمریکای کرد بۆ گەیشتن بەم ڕێککەوتنە، وجەختیشی لەوە کردەوە کە ئەم هەوڵانە ڕەنگدانەوەی گرنگی هاوکاری نێودەوڵەتییە بۆ ڕاگرتنی ئازارەکانی خەڵکی سڤیل و گه‌ره‌نتیكردنی سەقامگیری لە ناوچەکەدا.
وه‌زاره‌تی ده‌ڕه‌وه، وتی" خوازیارین ده‌ستبه‌جێ یارمه‌تییه مرۆیییه‌کان به که‌ڕتی غه‌ززه و ناوچه زیانلێکه وتووه‌کانی فه‌له‌ستین بگات و پێداویستییه سه‌ڕه‌تایه‌کانی گه‌لی فه‌له‌ستین دابین بكرێت".
ئاماژە بەوەشکرد كه‌گرنگه هەوڵە نێودەوڵەتییەکان بۆ ئاوەدانکردنەوەی ئەو ناوچانەی کە بەهۆی دەستدرێژییەکانەوە وێران بوون چر بكرێنه‌وه، بە شێوەیەک دڵنیایی بدات لە گەڕانەوەی ژیان بۆ ئاسایی و باشترکردنی باری ژیانی دانیشتوان، وه‌زاره‌تی ده‌ره‌وه وتی" کۆماری عێراق هەڵوێستی پتەو و پشتیوانانەی خۆی بۆ دۆزی فەلەستین دووپات ده‌كاته‌وه.
وجه‌ختیش له‌سه‌ر مافی گەلی فەلەستین كرده‌وه بۆ دیاركردنی چارەنووسی خۆی بەو شێوەیەی کە خەباتی بۆ دەکات.
كهشناسی: لهههفتهی داهاتوو باران دهبارێت
- ناوخۆ
- 10:38
