هەواڵگری و ئاسایش ژنێكی رفێنراو ئازاد دەكەن و 5 تیرۆریست و بازرگانی مادەی هۆشبەر و مرۆڤ لە بەغداد دەستگیردەكەن

ئەمنی

اليوم, 20:50

+A -A

بەغداد - INA
ئەمڕۆ چوارشەممە، بەڕێوەبەرایەتیی هەواڵگری و ئاسایشی وەزارەتی بەرگری، رزگاركردنی ژنێكی رفێنراو و دەستگیركردنی 5 تیرۆریست و بازرگانی مادەی هۆشبەر و مرۆڤی لە بەغداد ڕاگەیاند.
بەڕێوەبەرایەتییەكە لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: بە رێنمایی و سەرپەرشتی وەزیری بەرگری سابت عەباسی، و لە چوارچێوەی بەردەوامی جێبەجێكردنی ئۆپەراسیۆنەكان لەلایەن قارەمانانی بەرێوەبەرایەتی گشتی هەواڵگری و ئاسایشی سەر بە وەزارەتی بەرگری و بە هەوڵی چڕوپڕی هەواڵگری، مەفرەزەكانی بەڕێوەبەرایەتی هەواڵگری و ئاسایشی بەغدای سەر بە هەمان بەڕێوەبەرایەتی ئەركی جیاجیایان لە بەغدا ئەنجامدا و توانیان داواكراوێك بە تۆمەتی تیرۆر دەستگیر بكەن،
ئەوە جگە لە ئازادكردنی كچێكی ڕفێنراو و دەستگیركردنی ڕفێنەرەكان، لەكاتی فرۆشتنی كچەكە بۆ پارە كە بە تاوانی بینراو دەستگیركراون.
ئاماژەی بەوەشكرد: تیمە مەیدانییەكان دوو بازرگان و بازاڕگەری ماددە هۆشبەرەكانیان دەستگیركردووە و دەستیان بەسەر ماددە هۆشبەرەكانیاندا گرتووە كە بەنیازبوون بیفرۆشن و ڕێوشوێنی یاسایی بەرامبەریان گیراوەتەبەر و ڕەوانەی دەزگای دادوەری كران.
ئشكراشیكرد: وەزارەتی بەرگری بەڵێن بە گەلی عێراق دەدات كە دەبێتە دیواری سەلامەت بۆ پاراستنی نیشتمان و بەرەنگاربوونەوەی باندەكانی تاوانی ڕێكخراو و بەڵای ماددە هۆشبەرەكان.