وەزیری دەرەوە بۆ بەرپرسێكی بەریتانی تەئكید لە گرنگی چارەسەری جموجۆڵی چەتەكانی داعش دەكاتەوە
سیاسی
- اليوم, 17:33
بەغداد - INA
ئەمڕۆ چوارشەممە، جێگری سەرۆك وەزیران و وەزیری دەرەوە فوئاد حسێن، بۆ ڕاوێژكاری ئاسایشی نیشتمانی بەریتانیا جۆناسان پاول، جەختی لە پێویستی چاودێریكردنی جموجۆڵی چەتەكانی تیرۆریستانی داعش كردەوە.
وەزارەتی دەرەوە لە بەیاننامەیەكدا كە بۆ ئاژانسی هەواڵی عێراقی (INA) ی ناردووە، دەڵێت: جێگری سەرۆك وەزیران و وەزیری دەرەوە فوئاد حسێن لەگەڵ ڕاوێژكاری ئاسایشی نیشتمانی بەریتانیا جۆناسان پاول، كۆبووەوە.
ئاماژە بەوەشكراوە: لە میانەی كۆبوونەوەكەدا كۆمەڵێك بابەتی پەیوەندیدار بە پەیوەندییە دووقۆڵییەكانی نێوان عێراق و شانشینی یەكگرتوو تاوتوێ كران، ئەمە جگە لە دۆخی ئەمنی گشتیی ناوچەی ڕۆژهەڵاتی ناوەڕاست و پێشهاتەكانی پەیوەست بە سوریا و كاریگەرییەكانی لەسەر وڵاتانی دراوسێ.
بەگوێرەی بەیاننامەكە، وەزیری دەرەوە جەختی لەسەر پێویستی چاودێریكردنی جموجۆڵی چەتەكانی داعش كردووە و ئاماژەی بە گرنگی چارەسەركردنی بارودۆخی گرتووخانەكانی ژێر كۆنترۆڵی هێزەكانی سوریای دیموكرات و مەترسی هەڵهاتنی ئەندامانی داعش لەو بەندیخانانە كردووە.
