"بەرپرسی گەرەنتی دارایی و بەرگدرووی جلوبەرگی سەربازی" چەتەكانی داعش لە كەركوك دەستگیردەكرێت

ئەمنی
  • اليوم, 12:46
    • +A -A

    بەغداد - INA
    ئەمڕۆ چوارشەممە، بەڕێوەبەرایەتی هەواڵگری سەربازی دەستگیركردنی تیرۆریستێكی بەناو "بەرپرسی گەرەنتی دارایی و بەرگدرووی جلوبەرگی سەربازی" بۆ چەتەكانی تیرۆریستی داعش لە پارێزگای كەركوك ڕاگەیاند.
    بەڕێوەبەرایەتییەكە لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: لە ئۆپەراسیۆنێكی چۆنایەتیدا، بە هەوڵێكی هەواڵگریی بەرچاو، و بە بەدواداچوونی مەیدانی و تەكنیكی لەسەر بنەمای زانیاریی هەواڵگری دروست لە هۆبەی هەواڵگری فیرقەی هەشتەم، كارمەندانی هەواڵگری سەربازی توانیان بەپێی بڕگەكانی مادەی (4/تیرۆر) لە قەزای حەویجە لە پارێزگای كەركوك، ژنە تیرۆریستێكی داعش دەستگیربكەن.
    ئاماژەی بەوەشكرد: ئەو تیرۆریستە وەك بەناو (بەرپرسی گەرەنتی دارایی لە ڕێكخراوی تیرۆریستی داعش) كاریكردووە، كە ئەو گەرەنتیانە دەگوازێتەوە و دابەشی دەكات بەسەر خێزانەكانی سەر بە ڕێكخراوەكە لە قەزای حەویجە، هەروەها وەك بەرگدروو بۆ جلوبەرگ و كەرەستەی سەربازیی داعش كاریكردووە، ئاشكراشیكرد: بەپێی یاسا رادەستی لایەنی داواكار كراوە.


هەواڵی پەیوەندیدار

هەواڵگری دەستگیركردنی تیرۆریستێكی داواكراو رادەگەیەنێت

  • ئەمنی
  • 04:24

INA دۆسێی حەواڵەی دارایی بۆ هەرێمی كوردستان و بەرەنگاربوونەوەی گەندەڵی لە عێراق دەكاتەوە

  • بەدواداچوون و ڕاپۆرت
  • 07:03

بە ژمارە.. ڕێژەی تەواوبوونی پڕۆژەكانی ئاوەڕۆ لە 13 پارێزگا

  • ناوخۆ
  • 04:42