وەزارەتی دارایی : بەرپرسیار نابین لە دواکەوتنی مووچەی فەرمانبەرانی هەرێم لە کاتی خۆیدا

بەغداد-INA
ئەمڕۆ یەکشەممە،وەزارەتی دارایی عێراق جەختی کردەوە لەسەر بەردەوامبوون لە جێبەجێکردنی بڕگەکانی بودجەی گشتی فیدڕاڵی ژمارە (13)ی ساڵی 2023.
وەزارەتی دارایی ڕاشی دەگەیەنێت کە ئەوان بەرپرسیار نین لە دواکەوتنی مووچەی فەرمانبەرانی هەرێم لە کاتی دیاریکراوی خۆیدا.
هەروەك دووپاتیشی دەکاتەوە:کە پابەندە بە ناردنی پارە بۆ حکومەتی هەرێم بۆ سەرجەم توێژەکانی وەک (خانەنشینان و چاودێری کۆمەڵایەتی و فەرمانبەرانی مەدەنی و سەربازی).
بەگوێرەی ناوەرۆکی ڕاگەیاندراوەکەی وەزارەتی دارایی عێراق،کە بۆ ئاژانسی هەواڵی عێراقی (INA) نێردراوە ،تیایدا گرنگترین خاڵەکانی دەخەینەڕوو :
▪وەزارەتی دارایی  پابەندە بە جێبەجێکردنی بودجەی فیدراڵی ژمارە 13ی  ساڵی 2023 و پیادەکردنی دادپەروەری بۆ هەموو پێکهاتەکانی گەلی عێراق.
▪وەزارەت مووچەی فەرمانبەرانی هەرێمی کوردستانی تەواو ناردووە بەم خشتەی(هـ).
▪گرنگترین ژمارەکان:
- مووچەی فەرمانبەرانی مەدەنی و هێزە ئەمنییەکان: ٩,٥٥٦,٣٤٨ ملیار دینار
- تۆڕی پاراستنی کۆمەڵایەتی: ١٣٠,٩٣١ ملیار دینار
- خانەنشینانی سەربازی: ٦٥٠,٠٤٠ ملیار دینار
- خانەنشینانی مەدەنی: ٧٧٦,٦٥٧ ملیار دینار
▪کێشەکان:- هەرێم داهاتە نانەوتییەکانی نەناردووە کە دەکاتە 4350 ملیار دینار
▪هەرێم پابەند نەبووە بە دابەشکردنی مووچەی مانگانەی فەرمانبەرانی.
▪هەرێم پابەند نەبووە بە تەوتینکردنی مووچەی فەرمانبەران.
▪وەزارەتی دارایی،جەختی دەکاتەوە کە بەرپرسیار نییە لە دواکەوتنی مووچەکان و هۆکارەکەی دەگەڕێتەوە بۆ پابەند نەبوونی حکومەتی هەرێم بە بڕیارەکانی دادگای فیدراڵی.