سەرۆك كۆمار پێشوازیكرد لە جێگری یەكەمی سەرۆكی ئەنجومەنی نوێنەران

سیاسی
  • أمس, 21:36
    • +A -A

    بەغدا -  INA
    ئەمرۆ پێنج شەممە" لەتیف جەمال ڕەشید" سەرۆك كۆمار ، لە بەغدا پێشوازیكرد لە "موحسین مەندەلاوی " جێگری یەكەمی سەرۆكی ئەنجوومەنی نوێنەران .
    سەرۆكایەتی كۆمار لە ڕاگەیەندراوێكدا كە بۆ ئاژانسی هەواڵی عێراقی (INA) ناردوویەتی تیایدا هاتووە : لەكۆبوونەوەكەدا دوایین پێشهاته سیاسیی و ئەمنی و ئابوورییەكان لەسەر گۆڕەپانی ناوخۆیی و نێودەوڵەتی تاوتوێكران .
    وەك ڕاگەیەندراوەكە ئاماژەی پێداوە : چۆنیەتی فراوانكردنی چوارچێوەی هەماهەنگی و هاریكاری نێوان سەرۆكایەتی كۆمار و ئەنجوومەنی نوێنەران تاوتوێكران بەمەبەستی یاسادانان و پەسەندكردنی ئەو یاسایانەی كە ڕاستەوخۆ كاریگەری لەسەر ژیانی هاوڵاتیان هەیە.
    بەگوێرەی ڕاگەیەندراوەكە : هەر لە كۆبوونەوەكەدا  هەوڵەكانی حكومەت لەسەر ئاستی خزمەتگوزاری تاوتوێ كرا و ئاماژە بە گرنگی پاڵپشتیكردنی پرۆسەی ئاوەدانكردنەوە و نۆژەنكردنەوە و پەرەپێدانی ژێرخانی ئابووری كرا بەمەبەستی بەدیهێنانی خواستەكانی هەموو خەڵك بۆ ژیانێكی سەقامگیر لەبواری ئەمنی و ئابووریدا.


هەواڵی پەیوەندیدار

بڕیارەكانی ئەنجومەنی وەزیران لە دانیشتنی ئاسایی خۆیدا

  • سیاسی
  • 02:19

تەواوی بڕیارەكانی دانیشتنی ئەنجومەنی وەزیران

  • سیاسی
  • 11:08

كازمی: چەكی له‌ده‌ره‌وه‌ی ده‌ستی ده‌وڵه‌ت پرسێكی ئالۆزە، توانیمان كەشێكی ئەرێنی دیالۆگ لەنێوان تاران و ڕیاز دروست بكەین

  • سیاسی
  • 12:26