نوێنەری ئەمریکا بۆ لوبنان: سوپای قەوارەی زایۆنیستی لە زۆربەی ناوچەکانی باشووری لوبنان دەستی بە کشانەوە کردووە
جیهانی
- 6-01-2025, 20:35
به‌دواداچوون-INA
ئەمڕۆ دووشەممە، ئامۆس هۆچشتاین نوێنەری ئەمریکا بۆ لوبنان دووپاتی کردەوە کە سوپای قەوارەی زایۆنیستی لە زۆربەی ناوچەکانی باشووری لوبنان دەستی بە کشانەوە کردووە.
هۆچشتاین لە کۆنگرەیەکی ڕۆژنامەوانیدا كه‌ئاژانسی هەواڵی عێراقی (INA) وه‌ریگرتووه، ڕایگەیاند" سوپای قەوارەی زایۆنی لە زۆربەی ناوچەکانی باشووری لوبنان دەستی بە کشانەوە کردووە، و ئۆپەراسیۆنەکانی کشانەوەی سوپای زایۆنی لە باشووری لوبنان بەردەوام دەبێت تا ئەو کاتەی بە تەواوی دەكشێته‌وه.
جەختیشی لەوە کردەوە کە بەردەوام دەبین لە پابەندبوونمان بە پاڵپشتیکردنی سوپای لوبنان بۆ جێبەجێکردنی ئاگربەستەکە، ئاماژە بەوەشکرد کە پرۆسەی ئاگربەست لە باشووری لوبنان بە باشی بەڕێوەدەچێت.
هۆچشتاین لە درێژەی قسەکانیدا وتی: بنەماکە ئەوەیە کە سوپای لوبنان تاکە قەوارە ده‌بێت بۆ گەرەنتی ئاسایشی دانیشتوانی باشووری لوبنان.
