سەرۆک وەزیران: حکومەت بە هەموو بەرنامە و بەرپرسیارێتییەکانییەوە وەک پاڵپشتی سەرەکی دەمێنێتەوە بۆ پەرەپێدانی تواناکانی سوپا و بەهێزکردنی ڕۆڵی نیشتیمانی.

بەغدا –INA

ئەمڕۆ دووشەممە، سەرۆكی ئەنجومەنی وەزیران محەمەد شیاع سودانی، رایگه‌یاند حکومەت بە هەموو بەرنامە و بەرپرسیارێتییەکانییەوە وەک پاڵپشتی سەرەکی دەمێنێتەوە، بۆ پەرەپێدانی تواناکانی سوپا پاڵەوانەکەمان و بەهێزکردنی ڕۆڵی نیشتیمانی.

لە پۆستێكی لەهەژماری تایبەتی خۆی لە پلاتفۆڕمی (INA)بڵاویكردەوە و دواتر ئاژانسی هەواڵی عێراقی وەریگرت نووسیوێتی

محەمەد شیاع سودانی، سەرۆكی ئەنجومەنی وەزیران نووسیێتی " لە یادی 104 ساڵەی دامەزراندنی سوپای عێراقماندا، پێگەی ئەم دامەزراوە نیشتمانییە مەزنە چەسپاوە، بۆ ئەوەی سوپاکەمان لە گەلەوە بۆ گەل و قەڵایەکی پتەو بێت لەدژی تیرۆر و هەڕەشەکان، هەروەها کۆڵەکەیەکی بەهێزی بنیاتنانی دەستووری دیموکراسی بێت". 

هه‌روه‌ها سه‌رۆك وه‌زیران ئاماژه‌ی بۆ ئه‌وه‌یش كرد كه‌ "سوپا قارەمانەکەمان و هەموو پێکهاتەکانی هێزە چەکدارەکانمان شەڕی شەرەفمەندانەیان کردووە و قوربانییان داوە لەسەر ڕێگای پاراستنی ئاسایش و سەقامگیری عێراق و پاراستنی ڕێنێسانسی گەشەپێدان و پاراستنی سەربەخۆیی و سەروەری".

هه‌روه‌ها ئاماژه‌ی بۆ ئه‌وه‌یش كرد كه‌ "حکومەتەکەمان بە هەموو بەرنامە و بەرپرسیارێتییەکانییەوە وەک پاڵپشتی سەرەکی دەمێنێتەوە، بۆ پەرەپێدانی تواناکانی سوپا پاڵەوانەکەمان و بەهێزکردنی ڕۆڵی نیشتیمانی".

سودانی ئه‌وه‌یشی نووسیووه‌" لەم یادە مەزنەدا، یادی هەموو شەهیدانی سوپا و هێزە چەکدارەکانمان و ئەو قارەمانانە دەکەینەوە کە سەرکەوتنیان بەدەستهێنا و ناوی عێراقیان بەرز ڕاگرت".