سەرۆک وەزیران : حکومەت هەموو پێداویستییەکانی پیشەسازی دەرمانی پێشکەوتووی لە عێراق دابین کردووە

ەغدا-INA
ئەمڕۆ شەممە"محەمەد شیاع سودانی " سەرۆک وەزیران،ڕایگەیاند کە حکومەت هەموو پێداویستییەکانی بۆ دڵنیابوون لە بەرهەمهێنانی دەرمانی پێشکەوتوو لە عێراق دابین کردووە،هەروەك ئاشکراشیکرد کە ڕێژەی گرێبەستەکانی (کیمادیا)لەگەڵ کۆمپانیا ناوخۆییە نیشتیمانیەکان بە ڕێژەی10 ٪‎ەوە بەرزبووەتەوە بۆ ڕێژەی 
35٪‎.نووسینگەی ڕاگەیاندنی سەرۆک وەزیران لە ڕاگەیەندراوێکدا کە بۆ ئاژانسی هەواڵی عێراقی (INA)ناردوویەتی، تیایدا هاتووە :"محەمەد شیاع سودانی" سەرۆک وەزیران،لەمیانی دیدارێکدا لەگەڵ ژمارەیەک پزیشکی ئافرەتی عێراقی،ستایشی ڕۆڵی گەورەی ستافی پزیشکی بەتایبەت پزیشکە ئافرەتەکانی کرد و ئاماژەی بەوەدا:  کە ڕێژەی پزیشکی ئافرەت لە پزیشکی پیاو زیاترە لە دابینکردنی خزمەتگوزارییە تەندروستییەکان بۆ هاوڵاتیان.
▪سودانی گرنگترین ڕۆڵی ئافرەتانی لە چەند خاڵێکدا خستەڕوو :
- ئافرەت بەشێکی گرنگە لە پرۆسەی بنیاتنان.
- ئەنجومەنی باڵای ئافرەتان دەروازەی پەیوەندی نێوان حکومەت و ئافرەتانە.
- پێویستە پزیشکی ئافرەتی عێراقی پێگەی گرنگی هەبێت لە پۆستە باڵاکانی وەزارەتی تەندروستی.
▪سەبارەت بە پەرەپێدانی کەرتی تەندروستی سەرۆک وەزیران ووتی :
- گرنگی زۆر دراوە بە تەواوکردنی نەخۆشخانە دواکەوتووەکان.
- سێ نەخۆشخانەی نوێ لە بەغدا دەخرێنە خزمەتەوە لەم ساڵدا.
- سیستەمی بەڕێوەبردن و کارپێکردنی هاوبەش لە حەوت نەخۆشخانە جێبەجێ کراوە.
- گرنگی تایبەت دراوە بە سەنتەرە پسپۆڕییەکان و بودجەی تایبەتیان بۆ دابین کراوە.
▪سەبارەت بە پیشەسازی دەرمان سودانی ووتی :
- هەنگاوی گەورە لە پیشەسازی دەرمانسازی ناوخۆیی نراوە
- گرێبەستەکانی کیمادیا لەگەڵ کۆمپانیا ناوخۆییەکان لە10٪‎ەوە بەرزبووەتەوە بۆ 35٪‎
- حکومەت هەموو پێداویستییەکانی بۆ پیشەسازی دەرمانی پێشکەوتوو دابین کردووە.
▪. سەبارەت بە خزمەتگوزارییەکان،سەرۆک وەزیران ووتی :
- یاسای دڵنیایی تەندروستی هەنگاوێکی گرنگە لە کەرتی تەندروستی.
- باشترین ڕێگا بۆ بەهێزکردنی پەیوەندی نێوان هاوڵاتی و دەوڵەت، دابینکردنی خزمەتگوزاری تەندروستییە.
- چەندین ڕێکاری نوێ دانراوە بۆ زیادکردنی هۆشیاری هاوڵاتیان لە مامەڵەکردن لەگەڵ دامەزراوە تەندروستییەکان.