لیژنەی دەستپاکی پەرلەمانی : حکومەت توانی لە ساڵی پار 50 ملیار دیناری دزراو لە گەندەڵکاران وەربگرێتەوە

ناوخۆ

4-01-2025, 12:30

+A -A

بەغدا-INA
ئەمڕۆ شەممە ،لیژنەی دەستپاکی پەرلەمانی جەختی کردەوە کە حکومەت لە ساڵی ڕابردوودا سەرکەوتوو بووە لە گەڕاندنەوەی 50 ملیار دیناری گەندەڵکاران، هەروەها ئاماژە بەوەشدەکات ، کە سەرۆک وەزیران "محەمەد شیاع سودانی" ڕۆڵێکی بەرچاوی هەبووە لە کەمکردنەوەی دۆسیەکانی گەندەڵی.
پەرلەمانتار"عالیە نەسیف " ئەندامی لیژنە،بە ئاژانسی هەواڵی عێراقی (INA)ی ڕاگەیاند: "محەمەد شیاع سودانی" سەرۆک وەزیران و دەستەی دەستپاکی کاریگەرییەکی بەهێزیان هەبووە لەسەر ئەو دۆسیانە و بەدواداچوون لەسەر تێوەگلاوەکان.
ڕوونیشیکردەوە : کە حکومەت سەرکەوتوو بووە لە گەڕاندنەوەی نزیکەی 50 ملیار دینار لە تێوەگلاوانی دۆسیەکانی گەندەڵی لە گرێبەستی سەدە،لەگەڵ بەڕێوەبەری گشتی پاڵاوگەکان و جێگری بەڕێوەبەری وەبەرهێنان لە ساڵی 2014دا.
"عالیە نەسیف " ئاماژەی بەوەشکرد: کە هەڵمەتەکانی بەرەنگاربوونەوەی گەندەڵی و بەدواداچوون ، تێوەگلاوانی ساختەکاری موڵکی خانووبەرەشی گرتۆتەوە و وتی : زۆربەی وەزارەت و پارێزگاکان لیژنەی لاوەکییان پێکهێناوە بۆ ڕێگرتن لە بەفیڕۆدانی سامانی گشتی.