سەرۆک وەزیران سەرپەرشتی کۆبوونەوەیەکی تایبەت لەسەر پڕۆژەی یەکخراوی باشووری بەسرە دەکات

بەغدا –INA

سەرۆكی ئەنجومەنی وەزیران محەمەد شیاع سودانی، سەرپەرشتی کۆبوونەوەیەکی تایبەت لەسەر پڕۆژەی یەکخراوی باشووری بەسرە كرد.

نوسینگەی ڕاگەیاندنی سەرۆكی ئەنجومەنی وەزیران لە راگەیندراوێكدا كە بۆ ئاژانسی هەوالێ عێراقی (INA ) نێردراوەتێیدا هاتووە " محەمەد شیاع سودانی، سەرۆكی ئەنجومەنی وەزیران ئەمڕۆ سێشەممە سەرۆکایەتی کۆبوونەوەیەکی کرد و تێیدا گفتوگۆ لەسەر مۆدێلی ئابووری پڕۆژەی یەکخراوی باشووری بەسرە کرا، کە یەکێکە لە گرنگترین پڕۆژە ستراتیژییەکان لە وڵاتدا".

لە ڕاگەیەندراوەکەدا ئاماژە بەوەشکراوە، "لە کۆبوونەوەکەدا کە لەگەڵ لیژنەی پەیوەندیدار و شارەزایان لە وەزارەتی نەوت بەڕێوەچوو، پێداچوونەوە بە پێگەیشتنی پڕۆژەکە کرا، کە ساڵانێکە دواکەوتووە، و ڕێککەوتن کرا لەسەر پەسەند کردنی، دوای تەواوکردنی سەرجەم پێداویستییەکانی".

جێگای باسە پڕۆژەکە لە کۆمەڵێک پڕۆژەی گرنگ پێکدێت، کە "بریتین لە پەرەپێدانی کێڵگەی ئەرتاوی و وەبەرهێنانی گازی هاوەڵ"، هەروەها "دامەزراندنی پاڵاوگەیەک بە تایبەتمەندی مۆدێرن و کارگەیەکی پەین و کارگەیەکی پترۆکیمیایی لەگەڵ دامەزراندنی دوو وێستگەی کارەبا یەکێکیان بە وزەی خۆر و ئەوی دیکەیان جێگیر بێت بۆ دابینکردنی وزە بۆ پڕۆژەکە، ئەمەش سوودی گەورەی گەشەپێدان و ئابووری بەدەست دەهێنێت و هەلی کاری زۆر دەڕەخسێنێت و یارمەتیدەر دەبێت لە گەشەپێدانی کەرتی تایبەتی عێراق".