نێچیرڤان بارزانی بەبۆنەی جەژنی کریسمس پیرۆزبایی لە کریستیانەکان هەرێمی كوردستان و عێراق و جیهان دەکات

ناوخۆ
  • أمس, 19:35
  • +A -A

    هه‌ولێر -INA

    سەرۆكی هەرێمی كوردستان بەبۆنەی جەژنی لەدایكبوونی حەزرەتی عیسای مەسیح (سڵاوی خوای لێ بێت)، پەیامێكی پیرۆزبایی ئاراستەی كریستیانەكانی هەرێمی كوردستان و عێراق و جیهان كرد.

    نێچیرڤان بارزانی سەرۆكی هەرێمی كوردستان لە پەیامەكەدا كه‌ بۆ ئاژانسی هه‌واڵی عێراقی(INA) رایگەیاند "به‌بۆنه‌ى هاتنه‌وه‌ى ياد و جه‌ژنه‌كانى كريسمس و له‌دايكبوونى حه‌زره‌تى عيساى مه‌سيحه‌وه‌ (سڵاوى خواى لێ بێت)، به‌ گه‌رمى و له‌ دڵه‌وه‌ پيرۆزبايى له‌ هاووڵاتييانى ئازيزى مه‌سيحيمان له‌ هه‌رێمى كوردستان و عێراق و له‌ ته‌واوى جيهانى مه‌سيحى ده‌كه‌م".

    هه‌روه‌ها ئه‌وه‌یش هاتووه‌ كه‌ "هيوادارم ئەم جەژنە جه‌ژنى ئارامى و ئاسووده‌يى بێت، هه‌مووان پشوويه‌كى خۆش به‌سه‌ر به‌رن و بۆ هه‌موولايه‌ك ساڵێكى پڕ له‌ كامه‌رانى و سه‌ركه‌وتن بێت".

    سەرۆكی هەرێمی كوردستان هەروەها رایگەیاند "هه‌ر به‌م بۆنه‌يه‌وه‌ هه‌موو هاووڵاتييانى مه‌سيحيمان دڵنيا ده‌كه‌ينه‌وه‌ كه‌ وه‌ك هه‌ميشه‌ پارێزه‌ری مافه‌كانيان ده‌بین و به‌رده‌وام ده‌بین له‌ کارکردن بۆ به‌هێزکردنی به‌ها هاوبه‌شه‌كانمان و قووڵکردنه‌وه‌ی كولتوورى فره‌ڕه‌نگيى ئايينى و نه‌ته‌وه‌يى، پێكه‌وه‌ژيان، يه‌كترقبووڵكردن و لێبورده‌يى له‌نێوان هه‌موو پێكهاته‌كاندا".

    نێچیرڤان بارزانی جەختیشی كردەوە كە "كوردستان بێ جياوازى به‌ نيشتمان و لانه‌يه‌كى ئارام بۆ هه‌مووان ده‌مێنێته‌وه"‌.