وەزارەتی ئاوەدانکردنەوە : لەماوەی 2 ساڵدا 270پرۆژە تەواو کراون و 285 پرۆژەی تریش کاری تێدا دەکرێت
ناوخۆ
- اليوم, 11:53
بەغدا-INA
ئەمڕۆ یەکشەممە،وەزارەتی ئاوەدانکردنەوە و نیشتەجێکردن و شارەوانیەگشتیەکان تەواو بوونی ژمارەیەک پڕۆژە ئاشکراد
لەو بارەیەوە "نەبیل سەفار" وتەبێژی وەزارەتەکە بە ئاژانسی هەواڵی عێراقی (INA)ی ڕاگەیاند: وەزارەت زۆر پڕۆژەی لە چەند پارێزگایەک تەواو کردووە،هەروەك ژمارەی ئەو پڕۆژانەی کە لە نێوان ساڵانی 2022تاوەکو 2024تەواو کراون گەیشتووەتە زیاتر لە 270پڕۆژە لەبوارەکانی لە دروستکردن و نۆژەنکردنەوەی باڵاخانەو ڕێگاوبان و پرد و یەکەی نیشتەجێبوون،و شارەوانی و ئاو و ئاوەڕۆ،ئەوە جگە لە بەردەوامبوون و کارکردن لەسەر زیاتر لە 285 پڕۆژە.
سەفار ڕاشیگەیاند : کە چەندین پرۆژەی دروستکردنی ئاوە ئاوەڕۆ و بەرزە پرد و چەند پرۆژەیەکی تر لە چەند پارێزگایەک لەبواری جێ بەجێکردن دان .
"سەفار " ووتیشی : وەزارەت ستراتیژیەتێک دادەڕێژێت بۆ چارەسەرکردنی قەیرانی نیشتەجێبوون و دروستکردنی شارە نوێیەکانی نیشتەجێبوون،کە 5 لەو شارە گەورانە لە بەغدا و نەینەوا و کەربەلای پیرۆز و بابل ڕاگەیەندراون ، ئەوە جگە لە 6 شاری تر کە لە ئێستادا وەک دەرفەتی وەبەرهێنان لە پارێزگاکان ڕاگەیەندراون.
