وەزیری گواستنەوە : لە ناوەڕاستی ساڵی 2025 فڕۆکەخانەی نێودەوڵەتی ناسریە دەکرێتەوە
ناوخۆ
- 19-12-2024, 15:30
بەغدا-INA
ئەمڕۆ پێنجشەممە"ڕەزاق موحبس سەعداوی "وەزیری گواستنەوە،ڕایگەیاند: كە فڕۆکەخانەکانی موسڵ و کەربەلای پیرۆز و ناسریە،لە ساڵی داهاتوودا دەکرێتەوە .
سەعداوی، لە لێداوانێکی تایبەتدا بە ئاژانسی هەواڵی عێراقی ڕایگەیاند(INA)ی راگەیاند : ئەم سەردانەی بۆ ناسریە لە چوارچێوەی ئاگادار بوون و بینینی پرۆژەکانی وەزارەتە بەتایبەتی پڕۆژەی فڕۆکەخانەی نێودەوڵەتی ناسریە.
ڕوونیشی کردەوە ئەم پرۆژە ستراتیژیە کاریگەری ئەرێنی دەبێت لەسەر ئابووری پارێزگاکە و کرانەوەی بەڕووی جیهاندا،بەهۆی ئەوەی تاکە دەروازەی سنوورییە بۆ ئەم پارێزگایە.
ڕاشیگەیاند : کە پێشکەوتنی بەرچاوی هەیە لە کارکردن لە پڕۆژەکە، بەراورد بە مانگەکانی پێشوو ، جەختیشی لەوە کردەوە : کە کردنەوەی پڕۆژەکە لە ناوەڕاستی ساڵی 2025 دەبێت.
ئاماژەی بەوەشدا : لە ساڵی داهاتوو چەند پڕۆژەیەکی تری ستراتیژی هاوشێوە دەکرێتەوە، لەوانە فڕۆکەخانەی نێودەوڵەتی موسڵ و فڕۆکەخانەی نێودەوڵەتی کەربەلا و بەندەری گەورەی فاو.
ئاشکراشیکرد : وەزارەت بە هاوکاری دەسەڵاتی خۆجێی لە پارێزگای زیقار ، سەرجەم ئامادەکارییە پێویستەکانی تەواوکردووە بۆ کردنەوەی هێڵی گواستنەوەی گشتی لە پارێزگاکەدا، کە پڕۆژەکە لە سەنتەری پآرێزگا دەستپێدەکات و قەزا و ناحیەو گوندەکان لەڕێگای ئەو هێلە پاسە بە پارێزگاو شارەکان دەبەستێتەوە، جۆری پاسەکە پێ دەوترێت پاسی سوور، بۆ ئەوانەی کە داهاتیان سنووردارە و خوێندکارن زۆر سودی دەبێت .
