پێنج شەممە پاڵەوانیەتی نێودەوڵەتی شەترەنج لەهەولێر بەرێوەدەچێت

هەولێر -  INA
بڕیارە ڕۆژی پێنج شەممە رێكەوتی 19-12-2024  كاتژمێر(3:30) ئێوارە لە درێم ستی شاری هەولێر چوارەمین پاڵەوانیەتی نێودەوڵەتی ( راپید ) لە شاری هەولێر بۆ ماوەی ( 3 ) رۆژ بەرێوەدەچێت . 
سەبارەت بە پاڵەوانیەتیەكە محەمەد خەلیل سەرپەرشتیاری پاڵەوانیەتییەكە گوتی: یانەی هەولێر بەسپۆنسەری (درێم زۆرن كافێ) ئەم پاڵەوانیەتیە بەرێوەدەبات و پاڵەوانیەتییەكە باوەرپێكراوە لە لایەن یەكێتی شەترەنجی جیهانیەوە لە رێگای یەكێتی شەترەنجی عێراقیەوە .
محەمەد خەلیل زانیارییەكاتی تری پاڵەوانیەتییەكە بەمشێوەیە باسكرد و گوتی : 
1-پاڵەوانیەتیەكە راپیدە 10 + 15واتە دەستپێك  15خولەك و بۆ هەر جولەیەك  10چركە
زیاد دەبێت وە ماوەی (  3) رۆژ دەخایەنێت لە رێكەوتی 19و20و21-12-2024 پاڵەوانیەتیەكە بەرێوە دەچێت .
 2-رۆژی پێنج شەم رێكەوتی 19-12-2024 كاتژمێر (  3:30) دەبێت بەشداربووان ئامادە
بن و كاتژمێر (  4) یاری دەست پێ دەكات .
 3-خەڵاتەكان :
خەڵاتی یەكەم /  ١,٠٠٠,٠٠٠یەك ملیۆن دیناری عێراقی .
خەڵاتی دووەم /  ٨٠٠,٠٠٠هەشت سەد هەزار دیناری عێراقی .
خەڵاتی سێیەم /  ٦٠٠,٠٠٠شەش سەد هەزار دیناری عێراقی .
خەڵاتی چوارەم /  ٤٠٠,٠٠٠چوار سەد هەزار دیناری عێراقی .
خەڵاتی پێنجەم /  ٢٠٠,٠٠٠دوو سەد هەزار دیناری عێراقی .
خەڵاتی شەشەم /  ١٠٠,٠٠٠سەد هەزار دیناری عێراقی .
خەڵاتی باشترین یاریزانی خوار (  20) ساڵ /  ١٥٠,٠٠٠سەد و پەنجا هەزار دیناری عێراقی .
خەڵاتی باشترین یاریزانی ئافرەت /  ١٠٠,٠٠٠سەد هەزار دیناری عێراقی .
خەڵاتی باشترین یاریزانی خوار ( 14 ) ساڵ / كورسی گەیمینگ .