یاروڵڵا پێکهاتەکانی فیرقەی 20-25-15ی پیادە بەسەر دەکاتەوە

بەغدا-INA
ئەمڕۆ یەکشەممە فەریقی یەکەمی رووکن "عەبدولئەمیر ڕەشید یاروڵڵا" سەرۆکی ئەرکانی سوپا، بارەگای لیوای 60ی  پیادەی فیرقەی 20ی پیادەی بەسەر کردەوە.
وەزارەتی بەرگری لەڕاگەیەندراوێکدا، کە بۆ ئاژانسی هەواڵی عێراقی (INA) ناردوویەتی، تێیدا هاتووە : ئەمڕۆ فەریقی یەکەمی ڕوکن " عەبدولئەمیر ڕەشید یاروڵڵا" سەرۆک ئەرکانی سوپا،بە یاوەری یاریدەدەری ئۆپەراسیۆنەکان و فەرماندەی هێزە زەمینییەکان و یاریدەدەری بەڕێوەبەری هەواڵگری سەربازی،بارەگای لیوای 60ی پیادەی فیرقەی 20ی پیادەی بەسەر کردەوە.
وەك ڕاگەیەندراوەکە ئاماژەی پێدا: فەرماندەی لیواکە کورتەیەکی لەبارەی کردنەوەی یەکەکانی سوپا کە پاڵپشتیی هێزە سنوورییەکان دەکەن و ئامادەیی هێڵەکانی سنوورەکانن پێشکەشی کرد و ئاماژەی بەبوونی فەوجەی پیادەی دووەم و سێیەم دا،  هەروەها دابەشبوونی کەرتەکانی سوپا لە خاڵەکانى نێوان سنورەکانى جیاکردنەوەى کەرتی بەرپرسیارێتی.
بەگوێرەی ڕاگەیەندراوەکە : یاروڵڵا فەوج و یەکەکانی لیوای 101ی پیادەی فیرقەی 25ی پیادەی لە سنوورەکانی جیاکردنەوەی کەرتی بەرپرسیارێتی بەسەر کردەوە ، هەروەك سەرۆکی ئەرکانی سوپا پشکنینی بۆ کردنەوەی لیوای 21  فیرقەی 15ی پیادە کرد.