كەركوك رایدەگەیەنێت سبەی پێنجشەممە پشوی فەرمییە
ناوخۆ
- 4-12-2024, 19:40
بەغداد - INA
ئەمڕۆ چوارشەممە، پارێزگای كەركوك، رایگەیاند: سبەی پێنجشەممە پشووی فەرمییە، كە هاوكاتە لەگەڵ ساڵیادی شەهیدبوونی فاتیمە زەهرا (سەلامی خوای لێبێت) .
پارێزگای كەركوك لە بەیاننامەیەكدا كە بۆ ئاژانسی هەواڵی عێراقی (INA) ی ناردووە، دەڵێت: رێبوار تەها مستەفا پارێزگاری كەركوك، ڕێنمایی ڕاگرتنی دەوامی فەرمیی بۆ سبەی پێنجشەممە، 5-12-2024، لە دیوانی پارێزگا و فەرمانگەكان دەركردووە، جگە لە فەرمانگە خزمەتگوزارییەكان.
ئاماژەی بەوەشكرد: راگرتنی دەوام لە قوتابخانە و كۆلێژە حكومی و ئەهلییەكان دەبێت، جگە لە زانكۆی تەكنیكی باكوور و كۆلێژەكانی، ئەوەش لەسەر داوای سەرۆكی زانكۆكە، چونكە خوێندكارەكانی تاقیكردنەوەیان هەیە.
پارێزگاكە هۆشداریدا لەوەی كە ڕاگرتنی دەوام هاوكاتە لەگەڵ ساڵیادی شەهیدبوونی هاوڕێی پاك فاتیمە زەهرا (سەلامی خوای لێبێت).
