ناوخۆ: ئاسایش تەنها بە هاوكاری لەگەڵ هەموو وڵاتانی دراوسێی هەرێمی و دۆست بەدەست دێت

ئەمنی

اليوم, 10:46

+A -A

بەغداد - INA - محەمەد تاڵبی
ئەمڕۆ چوارشەممە، وەزارەتی ناوخۆ تەئكیدیكردەوە: كە لە ڕێگەی كەناڵەكانی هەواڵگری و دەزگا ئەمنییەكانەوە چاودێری سنوورەكان لەگەڵ سووریا دەكرێت، ئاماژەی بۆ ئەوەشكرد: ئاسایش تەنیا بە هاوكاری لەگەڵ هەموو وڵاتانی دراوسێی هەرێمی و دۆست بەدی دەهێنرێت.
وتەبێژی وەزارەتەكە عەمید میقداد میری، بە ئاژانسی هەواڵی عێراقی ڕاگەیاند: بۆ ئاسایشی سنوور لەگەڵ سوریا لە ژێر ڕۆشنایی ڕووداوەكانی ئێستا، چاودێریكردن لە ڕێگەی كەناڵەكانی دەزگا هەواڵگرییەكان و دەزگا ئەمنییەكانەوە ئەنجام دەدرێت و بەدواداچوون بۆ هەموو چالاكییەكان دەكرێت.
ئاماژەی بەوەشكرد: هەموو شتێك چاودێری دەكرێت بە دەروازەكان و ئاسایشی ناوخۆ و سنوورەكانیشەوە، هەموو ئەو پرسیارانەی كە ڕەنگە لە مێشكی هەر هاوڵاتییەكدا بن خراونەتە سەر مێز و لێكۆڵینەوەیان لەسەر كراوە و بەدواداچوونیان بۆ كراوە، و وتیشی: بەكارهێنانی تەكنەلۆژیا لەم فایلەدا زۆر باشە لە ڕێگەی فڕۆكەی بێفڕۆكەوان و كامێراكانەوە.
ئاشكراشیكرد: ئاسایش تەنها بە هاوكاری لەگەڵ هەموو وڵاتانی دراوسێی هەرێمی و دۆستدا دەتوانرێت بەدەستبهێنرێت.