سەرۆك كۆمار: عێراق دوورە لە جیاكاری لە نێوان ژن و پیاو

بەغداد - INA 
ئەمڕۆ پێنجشەممە، سەرۆك كۆمار عەبدوللەتیف جەمال ڕەشید، تەئكیدیكردەوە: عێراق دوورە لە جیاكاری لە نێوان ژن و پیاودا.
فەرمانەی ڕاگەیاندنی سەرۆكایەتی كۆمار لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: سەرۆك كۆمار عەبدوللەتیف جەمال ڕەشید لە كۆشكی بەغداد پێشوازی لە شاندێكی پسپۆڕی دەستپێشخەری فێمینیستی یۆرۆ-دەریای ناوەڕاست و تیمی ڕوانگەی هەرێمی بۆ توندوتیژی دژی ژنان و كچان كرد.
ئاماژە بەوەشكراوە: لە میانی كۆبوونەوەكەدا سەرۆك كۆمار بەخێرهاتنی شاندەكەی كرد، كە لە شارەزایانی ئەفریقا و ئاسیا و ئەوروپا لە بواری توندوتیژی دژی ژنان پێكهاتبوو.
سەرۆك كۆمار جەختیكردەوە: لە گرنگی بەرەنگاربوونەوەی هەموو جۆرە هەڵاواردن و دوورخستن و توندوتیژی دژ بە ژنان، چونكە ئەوان بەشێكی سەرەكین لە گەشەپێدانی كۆمەڵایەتی و ئابووری و سیاسیی كۆمەڵگەكانیان، و پێشوازیی لە پەیوەستبوونی عێراق كرد بە پێوەرەكانی ناوچەیی، كە نۆ وڵاتی لەخۆگرتووە، لەنێویاندا عێراق.
بەپێی بەیاننامەكە سەرۆك كۆمار رایگەیاند: دەستوور و سیستەمی دیموكراسی مافەكانی ژنان زامن دەكات، هەروەها عێراقییەكان ئەمڕۆ گەرەنتی دەستووری و یاسایی بۆ هەموو چین و توێژەكانی كۆمەڵگا بەهرەمەندن، و وتیشی: سەرۆكایەتی كۆمار كۆمەڵێك ڕەشنووسی یاسای ناردووە بۆ ئەنجومەنی نوێنەران بەمەبەستی پەسەندكردنی، لەوانە (ڕەشنووسی یاسای توندوتیژی خێزانی) و (ڕەشنووسی یاسای دەستەی باڵای بەهێزكردنی ژنان)، ئەنجوومەنی نوێنەرانیش پێشتر (پرۆژە یاسای ڕزگاربووانی ژنانی ئێزیدی)ی دەركردووە كە لەلایەن سەرۆكایەتییەوە نێردراوە، سەرەڕای پەسەندكردنی چەندین پەیماننامە لەم بوارەدا و هەروەها بەشداریكردن لە ئامادەكردن و نووسینی ستراتیژی نیشتمانی بۆ جێبەجێكردنی ناوەڕۆكی بڕگەكانی بڕیاری ئەنجومەنی ئاسایش (1325) پەیوەست بە پاراستنی ژنان لە كاتی ململانێ چەكدارییەكاندا.
لە بەرامبەردا ئەندامانی شاندەكە، سوپاس و پێزانینی خۆیان ئاراستەی سەرۆك كۆمار كرد بۆ بیرۆكەكانی بە ئامانجی پاراستنی ژنان و چەسپاندنی مافەكانیان لە ڕووی دەستووری و یاساییەوە، و جەختیان كردەوە: لە ویستی خۆیان بۆ چالاككردنی میكانیزمەكانی پەیوەندی و هەماهەنگی و ئاسۆكانی هاوكاری لەگەڵ عێراق لە بوارەكانی مرۆیی و كۆمەڵایەتیدا.