مالیکی: هەڵوێستی دادگای تاوانە نێودەوڵەتییەکان لە تاوانبارکردنی نەتانیاهۆ و وەزیری بەرگرییەکەی مێژوویی و بوێرانەیە

بەغدا - INA

نووری مالیکی، سەرۆکی هاوپەیمانی دەوڵەتی یاسا، ئەمڕۆ دووشەممە، هەڵوێستی دادگای تاوانی نێودەوڵەتی لە تاوانبارکردنی بنیامین ناتانیاهۆ، سەرۆکوەزیرانی كيانی زایۆنی و وەزیری بەرگریی، مێژوویی و بوێرانەیە ، لە هەمان کاتدا جەخت لەسەر پێویستی ڕێککەوتن لەسەر پێشکەشکردنی ڕەشنووسی یاسای هەڵبژاردن دەکاتەوە.

مالیکی لە وتارەکەیدا و دواتر ئاژانسی هەواڵی عێراقی (INA) بڵاویكرده‌وه‌ و رایگه‌یاند:“هەڵوێستی دادگای تاوانە نێودەوڵەتییەکان لە تاوانبارکردنی نەتانیاهۆ و وەزیری بەرگریی، مێژووییە، هەڵوێستێکی بوێرانەیە کە بۆی تۆمارکراوە”. داوای لە “دامەزراوە نێودەوڵەتییەکان بۆ گەڕاندنەوەی ڕێزگرتن لە یاسا نێودەوڵەتییەکان و لێپرسینەوە لە ئەنجامدەرانی تاوانەکانی ناو قەوارەی زایۆنیستی کرد”.

مالیکی وتیشی: لایەنگرانی قەوارەی زایۆنیستی مافی بەرگری فەلەستینییەکان بۆ بەرگری لە خاکی خۆیان لە بەرامبەر زایۆنیستەکان ڕەتدەکەنەوە، ئاماژەی بۆ ئەوە کرد کە "خەڵک تەنانەت لەو وڵاتانەی کە پشتیوانی داگیرکەری دەکەن، لەگەڵ فەلەستین دەوەستن".

سەرۆکی هاوپەیمانی دەوڵەتی یاسا لە درێژەی قسەکانیدا وتی: بڕیارەکەی دادگای تاوانی نێودەوڵەتی سەرکەوتنی بۆ کۆمەڵگا و یاسای نێودەوڵەتی بەدەستهێنا.

سەبارەت بە یاسای هەڵبژاردن، مالیکی جەختی لەوە کردەوە کە “پێویستە ڕێککەوتن بکرێت لەسەر خستنەڕووی ڕەشنووسی یاسای هەڵبژاردن، هەروەها دەبێت سیستمی هەڵبژاردن ڕوون بکرێتەوە، ئایا یەک بازنه‌یه‌ یان چەند بازنه‌یه‌ك، و ئایا هەڵبژاردنی پێشوەختە هەیە”.

جەختیشی لەوە کردەوە کە "دەبێت پرسی پەسەندکردنی کارتی نیشتمانی لە هەڵبژاردنەکاندا یان کارتی بایۆمەتری چارەسەر بکرێت"، ئاماژەی بەوەشکرد "بەشداریکردن لە هەڵبژاردنەکاندا ئەركه‌ و ماف نییە تەنها لەبەرئەوەی سەقامگیری دەوڵەت پەیوەستە بەوەوە".

مالیکی داوای لە "هاوڵاتیان کرد کە کارتی بایۆمەتری ئامادە بکەن بۆ بەشداریکردن لە هەڵبژاردنەکاندا. هاوکات داوای لە قه‌واره‌ سیاسییەکان و بەرپرسانی حکومەت و په‌رله‌مانتاران کرد یاساکانی پەیوەست بە کۆمسیۆن و کاری هەڵبژاردنەکان دەربکەن"، داوای لە "کۆمسیۆن کرد خێراتر كار بکات له‌ پێدانی کارتی بایۆمەتری بە هاوڵاتیان”.