پێشبینییەكانی كەشوهەوای عێراق بۆ چوار ڕۆژی داهاتوو

بەغداد - INA
ئەمڕۆ سێشەممە، دەستەی كەشناسی وردەكاری رەوشی كەشوهەوای وڵاتی بۆ ڕۆژانی داهاتوو ڕاگەیاند، هاوكات پێشبینی باران و دابەزینی پلەكانی گەرما دەكات.
دەستەكە لە بەیاننامەیەكدا كە بۆ ئاژانسی هەواڵی عێراقی (INA) ی ناردووە، دەڵێت: كەش و هەوا بۆ سبەی چوارشەممە، لە هەندێك بەشی ناوچەی باكوور ساماڵ بۆ نیمچە هەور دەبێت و هەندێكجاریش هەور دەبێت، لەگەڵ ئەگەری بارانبارینی كەم لە ناوچەی باكور و بەشەكانی ڕۆژئاوای ناوچەی ناوەڕاست، و پلەكانی گەرما كەمێك دادەبەزن، پلەكانی گەرماش بەم شێوەیە دەبن، لە بەغدا و دیالە و كەربەلای پیرۆز 25، لە نەینەوا و ئەنبار 22، لە هەولێر 20، لە واست و بابل و نەجەفی ئەشرەف 26 ساڵ، لە دیوانیە و موسەننا 27 ساڵ و لە بەسرە 29 پلە دەبێت.
ئاماژەی بەوەشكرد: ڕۆژی پێنجشەممە كەشوهەوا نیمچە هەور دەبێت لەگەڵ ئەگەری بارینی بارانێكی سووك لە بەشەكانی باكوری ناوچەی باشور، هەروەها پلەكانی گەرما هاوشێوەی ڕۆژی پێشوو دەبن لە سەرتاسەری وڵاتدا.
ئاشكراشیكرد: رۆژی هەینی داهاتوو، كەش و هەوا ساماڵ دەبێت لەگەڵ هەندێك هەور لە ناوچەكانی ناوەڕاست و باكوور، هەروەها لە ناوچەكانی باشوور نیمچە هەور دەبێت، هەروەها پلەكانی گەرما هاوشێوەی ڕۆژی پێشوو دەبن لە ناوچەكانی ناوەڕاست و باكوور، لە بەشی باشووری وڵات كەمێك دادەبەزن.
رونیشیكردەوە: رەوشی كەشوهەوای چاوەڕوانكراو بۆ وڵات بۆ ڕۆژی شەممەی داهاتوو: ئاسمان ساماڵ دەبێت لەگەڵ هەندێك هەور، پلەكانی گەرما هاوشێوەی ڕۆژی پێشوو دەبن لە سەرتاسەری وڵاتدا.