عێراق ڕەتیدەکاتەوە سووتەمەنی بەردینی لەناوببات

باكۆ-INA- یارا مەحمود
ئەمڕۆ دووشەممە، لیژنەی تەندروستی و ژینگەی پەرلەمانی ڕەتکردنەوەی شاندی عێراقی بۆ قۆناغ بە قۆناغ کۆتاییهێنان بە سووتەمەنی بەردینی ڕاگەیاند لە میانی بەشداریکردنی لە لوتکەی کەشوهەوای نەتەوە یەکگرتووەکان COP29، هاوکات پشتڕاستیکردەوە کە عێراق هەوڵدەدات خۆی لەگەڵ ستانداردە ژینگەییەکانی جیهاندا بگونجێنێت بە شێوەیەک کە لەگەڵ تایبەتمەندییە ناوخۆییەکان گۆنجاو بێت.
سەرۆکی لیژنەکە، پەرلەمانتار ماجید شەنگاڵی، بە ئاژانسی هەواڵی عێراقی (INA)ی ڕاگەیاند" ئەنجوومەنی نوێنەرانی عێراق لەم خولەدا گرنگییەکی زۆری بە بەشداریکردن لە کۆنگره‌كانی تایبه‌ت به‌ کەشوهەوا داوە، ئێمە بەشداریمان لە کۆنگره‌ی کۆپ 27 و 28 کرد، ئەمڕۆش لە کۆنگره‌ی کۆپ 29 له‌باکۆ به‌شدارین.
ڕوونیشیکردەوە ئامادەبوونمان لەو کۆنگرانەدا ڕێگەی پێداین لە ئەنجام و ئەزموونی وڵاتانی دیکە فێربین، ئەمەش یارمەتیدەر دەبێت بۆ گواستنەوەی ئەو ئەزموونانە بۆ عێراق و گونجاندن لەگەڵ پێوەرەکانی عێراق.
هێمای بۆ ئەوەش کرد كه‌لە هەر یه‌ك له‌و کۆنگرانەدا، بوونی عێراق پەرەدەسێنێت، جا چ لەڕووی دانوستاندن لەگەڵ شاندەکان بێت یان ئەو باڵەی بۆمان تەرخانکراوە. لە کۆنگره‌ی شەرم شێخ (COP 27) ئێمە باڵێکی تایبەتمان نەبووە، لەکاتێکدا ئێمە لە (COP 28)دا هەمانە، و ئەمڕۆ دۆخەکە لەڕووی وتار و ئامادەبوون و گفتوگۆوە باشترە، هه‌روه‌ها له‌گه‌ڵ ئه‌مه‌شدا بەشدارییەکی کارا لەلایەن حکومەتی هەرێمی کوردستانەوە لەم کۆشکەدا هەیە.
شه‌نگاڵی وتی" بەشداری شاندی پەرلەمان لە کۆنگره‌ی COP29 بۆ بەدواداچوون بۆ کارەکانی شاندی دانوستانکار و ئاگاداربوون لە دوایین پێشهاتەکانی کۆنگره‌کە هات، ئاماژەی بەوەشکرد کە کۆنگره‌ی کەشوهەوا تیشکی خستە سەر پرسە گرنگەکان، دیارترینیان وردە وردە نەهێشتنی سووتەمەنی بەردینی، کە یەکێکە لە پایە بنەڕەتییەکانی ئابووری عێراق، کە ئێمە بە تەواوی ڕەتی دەکەینەوە.
ناوبراو لە درێژەی قسەکانیدا وتی: پێشنیارێک لە ئازەربایجانەوە هەیە بۆ پاڵپشتیکردنی وڵاتانی تازەپێگەیشتو لەگەڵ وڵاتانی بەرهەمهێنەری نەوت، بەڵام ئەم پێشنیازە ڕەتکرایەوە، چونکە زۆربەی وڵاتانی بەرهەمهێنەری نەوت خۆیان وڵاتی گەشەسەندنن.
ناوبراو هێمای بۆ ئەوەش کرد كه‌ئامادەبوونی سیاسیی کارای سەرۆک کۆمار و بریکاری وەزیران و دەسەڵاتی جێبەجێکردن، جگە لە پاڵپشتی یاسادانان لەلایەن پەرلەمانی عێراقەوە، پێگەی عێراق لەو کۆنگرانەدا بەهێزتر دەکات، بەتایبەتی کە پۆستی سەرۆکایەتی لوتکەی G7 Plus وه‌رده‌گرێت لەگەڵ چین لە خولی داهاتوودا”.
سەرۆک کۆمار، عەبدولەتیف جەمال ڕەشید، بەشداری لە لوتکەی کەشوهەوای نەتەوە یەکگرتووەکان COP29 کرد، کە بۆ ماوەی ١٢ تا ١٣ی تشرینی دووەمی ئەم مانگە لە باکۆی پایتەختی ئازەربایجان بەڕێوەچوو، کە ژمارەیەکی زۆر لەوڵاتانی ئەندامی نەتەوە یەکگرتووەکان جگە لە ڕێکخراوە حکومی و ناحکومییەکان.