لەفرۆکەخانەی بەغدا دەست بەسەر چەند پارچە زێرێکی زۆر داگیرا
ناوخۆ
- 17-11-2024, 14:30
بەغدا-INA
ئەمڕۆ یەکشەممە،دەستەی گشتی گومرگ پوچەڵکردنەوەی هەوڵێکی بە قاچاخبردنی (13) پارچە ئاڵتونی بە کێشی 13 هەزار و 700 گرام لە فڕۆکەخانەی نێودەوڵەتی بەغدا ڕاگەیاند.
دەستەکە لەبەیاننامەیەکدا کە بۆ ئاژانسی هەواڵی عێراقی (INA) ناردوویەتی، تێیدا هاتووە : ستافی دەستەی گشتی گومرگی لە فڕۆکەخانەی نێودەوڵەتی بەغدا توانیویانە هەوڵێکی بە قاچاخ بردنی (13) پارچە ئاڵتونی بە کێشی 13 هەزار و 700 گرام پووچەڵ بکەنەوە،کە ویستویانە بەشێوەیەکی نائاسایی بیبەنە دەرەوە بەپێچەوانەی ڕێنمایی و یاساکانە کارپێکراوەکان.
وەک ڕاگەیەندراوەکە ئاماژەی پێداوە: ئەم هەڵمەتە بە هاوکاری بەرێوەبەرایەتی پاراستنی ئاسایشی فڕۆکەخانە ئەنجامدراوە،بە بە پاڵپشتی پۆلیسی گومرگ، هەروەک رێکاری یاسایی پێویست بە پێی یاسای گومرگی ژمارە (23)ی ساڵی 1984 گیراوەتەبەر.
