ئەعەرەجی: لە تاران هەڵوێستی عێراقمان نوێکردەوە بە ڕەتکردنەوەی بەکارهێنانی خاکەکەی بۆ هێرشکردنە سەر وڵاتانی دراوسێ

بەغدا - INA

ئەمڕۆ سێشەممە، قاسم ئەعەرەجی ڕاوێژکاری ئاسایشی نیشتمانی هەڵوێستی پتەوی عێراقی دووپاتکردەوە لە ڕەتکردنەوەی بەکارهێنانی زەوی و ئاسمانی عێراق بۆ هێرشکردنە سەر وڵاتانی دراوسێ و ناوچەکە.

ئەعەرەجی لە تویتێکدا لەسەر پلاتفۆرمی - دواتر ئاژانسی هەواڵی عێراقی (INA)  بڵاویكرده‌وه‌ تێیدا هاتووه‌ كه‌: “کۆتاییمان بە سەردانە فەرمییەکەمان بۆ تاران هێنا، کە تێیدا کۆبوونەوەی بەرهەمدارمان لەگەڵ عەباس عەرەقچی، وەزیری دەرەوەی ئێران، ئەمیندار ئەنجوومەنی ئاسایشی نەتەوەیی ئێران، عەلی ئەکبەر ئەحمەدیان و فەرماندەی سپای پاسدارانی ئێران، جەنەراڵ حوسێن سه‌لامی فەرماندەی سپای قودس، ژەنەڕاڵ ئیسماعیل قائانی.”

ئاماژەی بەوەشکرد: هەڵوێستی پتەو و پرەنسیپی عێراقمان نوێکردەوە بۆ ڕەتکردنەوەی بەکارهێنانی زەوی و ئاسمانی عێراق لەلایەن هەر لایەنێکەوە بۆ هێرشکردنە سەر وڵاتانی دراوسێ و ناوچەکە، هەروەها جەختمان لەسەر پێویستی پاراستنی سنوورەکان و ڕێگریکردن لە ئۆپەراسیۆنەکانی قاچاخچێتی و بەرەنگاربوونەوەی مافیاکانی ماددە هۆشبەرەکان وگرنگی هەماهەنگی و هاوکاری هاوبەش بۆ زیادکردنی فشارە نێودەوڵەتییەکان بە مەبەستی وەستاندنی شەڕی غەززە و لوبنان" .