سەرۆکی کۆمار جەخت لەسەر چڕکردنەوەی هەوڵەکان بۆ کۆتایی هێنان بە پرسی ئاوارەکان دەکاتەوە

به‌غدا-INA
ئەمڕۆ دووشەممە، سەرۆک کۆمار، عەبدولەتیف جه‌مال ڕەشید لەسەر پێویستی چڕکردنەوەی هەوڵەکان بۆ کۆتایی هێنان بە پرسی ئاوارەکان جەختی کردەوە.
نووسینگه‌ی ڕاگەیاندنی سەرۆکایەتی کۆمار لە بەیاننامەیەکدا - کە بەده‌ستی ئاژانسی هەواڵی عێراقی (INA) گەیشتووە - ڕایگەیاندووە" لە چوارچێوەی بەشداریکردنی سەرۆک کۆمار، عەبدولەتیف جەمال ڕەشید، لە کارەکانی کۆنگره‌ی کەشوهەوای نەتەوە یەکگرتووەکان COP29  ئەمڕۆ دووشەممە، ١١ی تشرینی دووەمی ٢٠٢٤، لە شوێنی نیشتەجێبوونی خۆی لە باکۆ پێشوازی کرد له‌ بەڕێوەبەری بەرنامەی گەشەپێدانی نەتەوە یەکگرتووەکان (UNDP)، ئەچیم شتاینەر، و کۆبوونەوەکە بە ئامادەبوونی
ناوبراو زیادی کرد: لە میانی دیدارەکەدا كه‌وەزیری تەندروستی ساڵح ئەلحەسناوی و ڕاوێژکاری سەرۆک وەزیران بۆ ژینگە و گۆڕانی کەشوهەوا، عەلی ئەللامی ئاماده‌بوون. باس لە ڕێگاکانی پتەوکردنی هاوبەشی نێوان عێراق و بەرنامەی گەشەپێدانی نەتەوە یەکگرتووەکان کرا، هەروەها بۆ پەرەپێدانی سیاسەتی گشتی لە بواری گەشەپێدانی ئابووری و کۆمەڵایەتی لە وڵاتدا، سەرۆکی کۆمار ئاماژەی بە وردبینی عێراق کرد بۆ جێبەجێکردنی پڕۆژەکانی گەشەپێدان بە ئامانجی ڕاکێشانی وەبەرهێنانی بیانی و ڕەخساندنی هەلی کاری نوێ و چالاککردن و پشتگیریکردنی کەرتی تایبەت و زیادکردنی ڕۆڵی لە پرۆسەی گەشەپێدان.
سەرۆک کۆمار جەختی كرده‌وه‌ له‌پێویستی چڕکردنەوەی هەوڵەکان بۆ کۆتاییهێنان بە پرسی ئاوارەکان و ئازارەکانیان لە شنگال و کارکردن بۆ دەستەبەرکردنی گەڕانەوەیەکی پارێزراو و سەقامگیر بۆ سەر ماڵ و حاڵی خۆیان وپێشکەشکردنی خزمەتگوزاریه‌ سەرەتاییه‌كان.
ڕوونیشیکردەوە ئەمە دەتوانرێت بە بەهێزکردنی هاوکاری و هەماهەنگی هاوبەش لە نێوان دەزگاکانی حکومەت و ڕێکخراوە نێودەوڵەتییەکانی پەیوەندیدار بە ئاوارەکان جێبه‌جێ بكرێت، ئاماژەی بەدواکەوتنی ڕوون لە میکانیزمەکانی کارکردنی پرۆگرامی نیشتەجێبوونی مرۆیی نەتەوە یەکگرتووەکان (UN-Habitat) وپێویستی چارەسەرکردنی كرد."
سەرۆک کۆمار جەختی لەوە کردەوە گرنگیی ڕۆڵی نەتەوە یەکگرتووەکان لە ڕێگەی ئۆرگانە جۆراوجۆرەکانییەوە بۆ کەمکردنەوەی بارگرانی ئەو کارەساتە مرۆییەی کە گەلی فەلەستین و لوبنان لە ئەنجامی ئەو هێرشە سیستماتیکییانەی کە بەرکەوتەی دەبن، تووشی دەبن.