ئاژانسی هەواڵی سوری : بەهۆی بۆردومانی کوێرانەی ڕژێمی زایۆنی بۆ سەر دەرەوەی دیمەشق 27 هاوڵاتی شەهید و بریندار بوون
جیهانی
- 10-11-2024, 20:52
بەدوادوچوون-INA
ئەمرۆ یەکشەممە،ئاژانسی هەواڵی سوریا بڵاویکردەوە،کە لە هێرشێکی ئاسمانی دوژمنانەی ڕژێمی زایۆنی بۆ سەر باڵەخانەیەکی نیشتەجێبوون لە ناوچەی سەیدە زەینەب لە دەرەوەی دیمەشق ،27 هاوڵاتی مەدەنی شەهید و برینداربوون کە لە نێویاندا منداڵ و ژن هەیە.
ئاژانسەکە ئەوەشی بڵاوکردەوە: کە نزیک کاتژمێر 17:00ی ئێوارەی ئەمڕۆ، ڕژێمی زایۆنی لەناوچەی جۆلانی داگیرکراو هێرشێکی کوێرانەی ئاسمانی کردە سەر باڵەخانەیەکی نیشتەجێبوون لە ناوچەی سەیدە زەینەب لەدەرەوەی دیمەشق، کە لەئەنجامدا حەوت هاوڵاتیانی مەدەنی، کە منداڵ و ژنانی تێدابوو شەهید بوون، و بیست کەسی دیکەش بریندار بوون ئەوە جەگە لە زیانی ماددی بۆ سەر موڵکی تایبەت.
