ڕاگەیاندنی حکومی تەواو بوونی 670 قوتابخانەی نمونەیی لە سەرجەم پارێزگاکان ڕاگەیاند

بەغدا - INA
ئەمڕۆ هەینی،تیمی ڕاگەیاندنی  حکومی تەواوبوونی 670 قوتابخانەی لە سەرتاسەری پارێزگاکان ڕاگەیاند،ئاشکراشیدەکات کە هەزار قوتابخانەی نمونەیی تا کۆتایی ئەمساڵ تەواو دەبێت.
"حەیدەر مەجید" وتەبێژی تیمی ڕاگەیاندنی حکومی،بە ئاژانسی هەواڵی عێراقی (INA)ی ڕاگەیاند: فەرمانگەی پڕۆژە نیشتمانییەکان بۆ باڵاخانەی قوتابخانەکان لە ئەمینداریەتی گشتی ئەنجومەنی وەزیران پێشکەوتنی گرینگی بەدەستهێناوە لە دروستکردنی پڕۆژەی باڵاخانەی قوتابخانەی نمونەیی، کە یەکێکە لە گرنگترین ئەولەویەتەکانی حکومەت لە بەرنامەی مەنهەجی وەزارییدا.
ڕوونیشیکردەوە : کە رێژەی تەواوکردنی باڵاخانەی قوتابخانەکان لە سەرجەم پارێزگاکان  50%ی تێپەڕاندوە،ئەویش دوای تەواوکردنی 670 قوتابخانە بە چوار مۆدێل بەشێوەی: (12 و18 و 24 ) پۆلی ، بەپێی ئەوپلانانەی دانراون.
ئاماژەی بەوەشدا: بڕیارە پرۆژەکە لە کۆتایی ئەمساڵدا قۆناغی یەکەمی خۆی بە هەزار قوتابخانە تەواو دەکات.
"حەیدەر مەجید" ووتیشی : ئەمینداریەتی گشتی ئەنجومەنی وەزیران بەردەوامە لە بەدواداچوونی خۆی لە ڕێگەی سەردانە مەیدانییەکانی بۆ شوێنە جیاوازەکان، ئەوە جگە لە کۆبوونەوە بەردەوامەکان لەگەڵ هەردوو کۆمپانیای چینی کە پڕۆژەکە جێبەجێ دەکەن.