سەرۆك وەزیران: پیرۆزبایی لە سەرۆكی هەڵبژێردراو دۆناڵد ترەمپ و جێگرەكەی جەیمس دەیڤد دەكات بەبۆنەی سەركەوتنی پڕۆسەی هەڵبژاردنی ئەمریكا

سیاسی

6-11-2024, 15:37

+A -A

بەغداد - INA
ئەمڕۆ چوارشەممە، سەرۆكی ئەنجومەنی وەزیران محەمەد شیاع سودانی، پیرۆزبایی لە سەرۆكی هەڵبژێردراو دۆناڵد ترەمپ و جێگرەكەی جەیمس دەیڤید ڤانس و گەلی ئەمریكای كرد بەبۆنەی سەركەوتنی پرۆسەی هەڵبژاردن،و هاوكات جەختی لەسەر پابەندبوونی پتەوی عێراق كردەوە بۆ پتەوكردنی پەیوەندییە دووقۆڵییەكان لەگەڵ ویلایەتە یەكگرتووەكان.
سەرۆك وەزیران لە پۆستێكیدا لەسەر پلاتفۆرمی ( ئێكس) كە ئاژانسی هەواڵی عێراقی (INA) بە دواداچوونی بۆ كردووە، رایگەیاند: ئێمە پیرۆزبایی لە سەرۆكی هەڵبژێردراو دۆناڵد ترەمپ و جێگرەكەی جەیمس دەیڤید ڤانس و گەلی ئەمریكا دەكەین بۆ سەركەوتنی پرۆسەی هەڵبژاردنەكان.
جەختیكردەوە: لەسەر پابەندبوونی پتەوی عێراق بە پتەوكردنی پەیوەندییە دووقۆڵییەكان لەگەڵ ئەمریكا لەسەر بناغەكانی ڕێزگرتنی یەكتر و بەرژەوەندی هاوبەش.
ئاماژەی بەوەشكرد: بەوپەڕی خۆشحاڵییەوە چاوەڕێی ئەوە دەكەین ئەم قۆناغە نوێیە سەرەتای قووڵكردنەوەی هاوكارییەكانی نێوان هەردوو وڵاتمان بێت لە چەندین بواردا، كە بەشدارە لە گەیشتن بە گەشەپێدانی بەردەوام و سوود بە هەردوو گەلی دۆست دەگەیەنێت.